وشكون يحب هاذو الدراهم !!

[سيف الدين]

السلام عليكم ورحمة الله وبركاته

تحية طيبة لكم جميعا ^^

قبيل كنا قاعدين أنا والوالد نخندشوا في الأرشيف القديم نتاعو بما أنه من هواة جمع
الأثار او التذاكر القديمة من الطوابع والصور القديمة وغيرها من الأمور، واذا به قعدنا
نشوفوا في النقود النقدية القديمة منها، الي مرت عليها عقود من الزمن وكاين الي فات
عليها قرون !!

نخليكم مع الصورة الأولى تبين لكم الكنز




هذيك النقود القديمة كاين الي منها نتاع ايطاليا وفرنسا ونتتاع الجزائر وأيضا حتى نتاع
الرومان بكري وكاينة !!

والصورة الي بعدها وهي:




كما تشوفو القطعة الي على اليمين راهي قطعة نقدية فرنسية لما كانت الجزائر مستعمرة
وكما هو مكتوب نتاع سنة 1950، وكما تشوفو ( ما بانتش الكتبة مليح بسبب رابط
المنتدى ) اسفل رقم 100 مكتوب Francs وفي الأخير نهائيا مكتوب ALGERIE ..
والقطعة النقدية الي مع اليسار راهي نتاع الرومان بكري .. الله أعلم وش من السنة ..

أكيد هاذي القطعة النقدية تعتبر أثرية وأكيد الوزن نتاعها بالنسبة للعالم راهي ثمينة
جدا!! وبالتالي قادر تلقاها تتباع في المزادات العلنية بأسعار جد غالية ..

قطعة النقدية نتاع الرومان الي على اليسار حوسنا عليها في النت تخيلو وشحال لقينا
السعر نتاعها !! 209 أورو يعني تقريبا 4 ملاين سنتيم نتاعنا .. سما كما نبيعو
ساشي نتاعنا هاذيك وشحال من صوارد نلمو مثلا .. بالنسبة عندنا أيضا أوراق نقدية
نتاع العراق وايران وتركيا وفرنسا والسعودية ووو القديمة .. ايييه ربي يبارك

كنت نقول ايييه سبحان الله كما القطعة نتاع الرومان هذيك وشحال من يد لسمتها ،
وشكون كان يتصور أنها توصل لعندنا، ممكن عشرة من الناس الأواخر الي لمسوها
الأخير نتاعهم كان روماني !! نقصد الأخير من الناس القدماء.



وشكرا لكم على المرور من هنا ^^

أخوكم سيف

[متأثرة]

الله يبارك ربي يخليلك الوالد والوالدة ان شاء الله
شحال نحب أب كبير في دار يكون يهتم بهاذ صوالح الله يبارك على والدك ربي يخليهلك
أحنا تاني عندنا نقود تاع بكري بصح ماشي تاع بكري بكري هههههههههههه غير تاع بكري بشوية ههههههههه
شكرا ربي يحفظك فكرتنا بجدودنا

[سيف الدين]

المشاركة الأصلية كتبت بواسطة متأثرة

الله يبارك ربي يخليلك الوالد والوالدة ان شاء الله
شحال نحب أب كبير في دار يكون يهتم بهاذ صوالح الله يبارك على والدك ربي يخليهلك
أحنا تاني عندنا نقود تاع بكري بصح ماشي تاع بكري بكري هههههههههههه غير تاع بكري بشوية ههههههههه
شكرا ربي يحفظك فكرتنا بجدودنا

الله يبارك فيك أخت الفاضلة، وربي يحفظ والديك ان شاء الله ^^
ضحكتني جملة نتاع بكري بشوية .. المهم مع مرور الوقت
تولي نتاع بكري بزاف .. شكرا ليك على الدعاء الطيب للوالدين
ربي يهنيك، وشكرا ليك على بصمتك في الموضوع

دمت بخير

[شهيناز BAC 2015]

ربي يبارك و ربي يحفضلك والديك ان شاء الله
زعما راح تبيعوهم و لا لالا ........ هههههههههههههههههههههههههه
راني غير نضحك هههههههههههههههه
merci bien على الموضوع خويا سيف

[سيف الدين]

المشاركة الأصلية كتبت بواسطة شهيناز BAC 2015

ربي يبارك و ربي يحفضلك والديك ان شاء الله
زعما راح تبيعوهم و لا لالا ........ هههههههههههههههههههههههههه
راني غير نضحك هههههههههههههههه
merci bien على الموضوع خويا سيف

ما شكيتش راح نبيعوهم .. الله يحفظ والديك أخت الكريمة وشكرا ليك على الدعاء لوالداي
بارك الله فيك على طيب حضورك .. دمت بخير وعافية ان شاء الله

[Man Of Chemistry]

هههه جميلة جدا ، كون عندي راني طيشتهم هههه

حفظكم الله اخي الكريم

وشكرا لك على ما قدمت

[سيف الدين]

المشاركة الأصلية كتبت بواسطة Man Of Chemistry

هههه جميلة جدا ، كون عندي راني طيشتهم هههه

حفظكم الله اخي الكريم

وشكرا لك على ما قدمت

ههه اذا صادفتهم في طريقك خويا العزيز لمهم لي وانا نديهم عليكم
بارك الله فيك على طيب حضورك .. الله يعطيك ما تتمنى

[متأثرة]

هاذوك الدراهم خليهم لولاد ولاد ولاد ولادك باش يكونو في الأرشيف يكونو كنز ويبيعوهم غاليين تولي عندهم ثروة كبيرة ههههههههه باش يقولو سيف الدين جدنا مسكين خلنا ثروة كبيييرة هههههههههه

[سيف الدين]

المشاركة الأصلية كتبت بواسطة متأثرة

هاذوك الدراهم خليهم لولاد ولاد ولاد ولادك باش يكونو في الأرشيف يكونو كنز ويبيعوهم غاليين تولي عندهم ثروة كبيرة ههههههههه باش يقولو سيف الدين جدنا مسكين خلنا ثروة كبيييرة هههههههههه

ان شاء الله .. شكرا لك مرة أخرى أخت الكريم على المرور

الله يحفظك

[سجل..انا جزائرية]

السلام عليكم و رحمة الله
الله يبارك ، هذو راهم تراث و كنز كبير سورتو نتاع الرومان
اي حتى انا راهي بدات عندي هاذ الهواي و بديت نلايم في دراهم دزاير نتاع بكري شوي ،
اي و الي عندو ذيك 20 دورو الي مصور فيها تراكتور ماذابيه يبعهالي