منتديات بيت العرب الجزائري - وشكون يحب هاذو الدراهم !!

منتديات بيت العرب الجزائري (http://algerianhome.com/mountada/index.php)

- قسم يوميات العضو (http://algerianhome.com/mountada/forumdisplay.php?f=6)

- - وشكون يحب هاذو الدراهم !! (http://algerianhome.com/mountada/showthread.php?t=14002)

وشكون يحب هاذو الدراهم !!

السلام عليكم ورحمة الله وبركاته

تحية طيبة لكم جميعا ^^

قبيل كنا قاعدين أنا والوالد نخندشوا في الأرشيف القديم نتاعو بما أنه من هواة جمع
الأثار او التذاكر القديمة من الطوابع والصور القديمة وغيرها من الأمور، واذا به قعدنا
نشوفوا في النقود النقدية القديمة منها، الي مرت عليها عقود من الزمن وكاين الي فات
عليها قرون !!

نخليكم مع الصورة الأولى تبين لكم الكنز :wink:

http://www.m5zn.com/newuploads/2015/...4bf857b980.png

هذيك النقود القديمة كاين الي منها نتاع ايطاليا وفرنسا ونتتاع الجزائر وأيضا حتى نتاع
الرومان بكري وكاينة !!

والصورة الي بعدها وهي:

http://www.m5zn.com/newuploads/2015/...3129bffd7d.png

كما تشوفو القطعة الي على اليمين راهي قطعة نقدية فرنسية لما كانت الجزائر مستعمرة
وكما هو مكتوب نتاع سنة 1950، وكما تشوفو ( ما بانتش الكتبة مليح بسبب رابط
المنتدى ) اسفل رقم 100 مكتوب Francs وفي الأخير نهائيا مكتوب ALGERIE ..
والقطعة النقدية الي مع اليسار راهي نتاع الرومان بكري .. الله أعلم وش من السنة ..

أكيد هاذي القطعة النقدية تعتبر أثرية وأكيد الوزن نتاعها بالنسبة للعالم راهي ثمينة
جدا!! وبالتالي قادر تلقاها تتباع في المزادات العلنية بأسعار جد غالية ..

قطعة النقدية نتاع الرومان الي على اليسار حوسنا عليها في النت تخيلو وشحال لقينا
السعر نتاعها !! 209 أورو :eek: يعني تقريبا 4 ملاين سنتيم نتاعنا :strongsad: .. سما كما نبيعو
ساشي نتاعنا هاذيك وشحال من صوارد نلمو مثلا ;nosweat .. بالنسبة عندنا أيضا أوراق نقدية
نتاع العراق وايران وتركيا وفرنسا والسعودية ووو القديمة .. ايييه ربي يبارك :rolleyes:

كنت نقول ايييه سبحان الله كما القطعة نتاع الرومان هذيك وشحال من يد لسمتها :confused: ،
وشكون كان يتصور أنها توصل لعندنا، ممكن عشرة من الناس الأواخر الي لمسوها
الأخير نتاعهم كان روماني !! نقصد الأخير من الناس القدماء.

وشكرا لكم على المرور من هنا ^^

أخوكم سيف