ضحية اليوم عضوة رآئعة ومشرفة ســـــآبقة عُرِفَتْ بنشــطهــآ المميز
وأظهرت لنـــآ خلقهــآ الرآئع وعدم قلقهــآ وخروجهــآ عن أعصــآبهــآ
لكن مع الدخول بموضوع الإشرآف تغيرت الأحوآل
Ῥяΐήḉḝ øƒ Łṍ√έ
السلام عليكم
نورمولمو نت هي ليلى على ما أظن
نسيتيني وقيل شكون انا
واش راكي ؟
ان شاء الله لاباس
راني محتاجك في واحد الموضوع
ŤĤę ĹęĞăČγ МăĎЯĭĎĭ
وعليكم السلاآم أهلا أخي أيمن
أكيد ليلى مالا شكون.. لا مانسيتكش كيفاه و وعلاه ننساك زعمــا؟
أنا راني مليحة الحمد لله ونتا واش راك؟
أكيد بالطبع اتفضل,, لنقدار نساعدك راني هنــا
إيه حقا صح فطورك وسحورك
ســلآآم
Ῥяΐήḉḝ øƒ Łṍ√έ
واشمن خير والله رانا في حالة
ما ننساكش بعد واش درتي فيا يا اختي
علابالك بلي ما صدقتش بلي نت قلتيها
ŤĤę ĹęĞăČγ МăĎЯĭĎĭ
طيب معليش كيما جاش خير .. رانا موالفيـــن
بالنسبةلواش قلت ولا درت أنا ما درت والو
وإيلا كشما درت ونسيت أسمحلي
عكـــل أنا خاطيني
Ῥяΐήḉḝ øƒ Łṍ√έ
بصح يا ليلى انا كي قالولي قلت نورمال نهار الاول رانا كنا نقصرو مع بعض
مي هاد المشكل راهو ما عندوش بزاااااااااف
زعما ما علابالكش واش هدرتي فيا للناس ؟
ŤĤę ĹęĞăČγ МăĎЯĭĎĭ
نـــاس كــامل؟؟
طيب اقولي واش قلتلهم مبعد نقولك لا صح ولا لا
عكل أنا مشي من عادتي نهدر من ورا الشخص.. لكــان شي حاجة نقولهالك ديركات
لذلك أقنعني بلي أنا كشما قلت ؟
Ῥяΐήḉḝ øƒ Łṍ√έ
هدرتي لبعض لصحاباتك وثاني لدراري
قلتيلك بلي أيمن دار ودار
ودار مع هاديك وزاد مع هديك ؟
علاه نت شفتيني كاش ما درت يرحم والديك
رمضان رمضان تقطعو في الغاشي
وزيد تروحي وتقولي للبنات ما تحكوش مع ايمن ما نعرف واش بيه
ربي يهديك اختي
ŤĤę ĹęĞăČγ МăĎЯĭĎĭ
بالنسبة لهذي قلت وقلت أنا ما نقولش مشي من عادتي ولوكان شفتك درت حاجة مشي مليحة نقولهالك ديراكت
وأنا ما نوليش اللور
ونتاع هدرت مع هاذي وهاذيك أنا مانيش نعس فالغاشي واش راهم يديرو ... دير واش تحب
ديجا غير كيما بديت نوللي للمنتدى فهمني كيفاه ولمن قلته هاد الكلام ؟؟
ونتاع رمضان رانا كامل صايمين.. ونقولك.. أنا مشي من الناس اللي تهدر
أرواح نتا وهدوما اللي قالو هدرت عليك ونتفاهمو مليح
---
ونقــولك حاجة لجات كاميرا كاشي وعلى العموم راني متأكدة 100% ( قريب فــآقت بصح راهي مع واحد خبير )
بلي هيا ما يشقاش تسيي معايا ... بسك مشي ممكن نغلط أبدا
وعلى فكرة أسوريتها كاميرا كاشي تالمو أنا مشي فارغة شغل باه نحكي على الناس
وإيلا قلتي لالا مشي صح مش راح نامنك... الله غالب كل واحد يعرف روحو.... وديجا نورمالمو أنا اللي نزعف منك... بسك صرات حاجة ما توقعتهاش من المشرفين ومن بينهم نتا
لذلك شكرا لكم...
وما تسييش تقنعني بلي صح
Ῥяΐήḉḝ øƒ Łṍ√έ
كاميرا كاشي ؟ ربي يهديك اختي
حتى انا ما قطعتهاش منك مي كي هدرولي وعطاوني الدليل تشوكيت
جامي ظنيت توصلي الشىء هاداك يا ليلى
شوفي درك نهدرو قليل ونفهمو بزاف
ياك كامل نعرفو خرايب بعضانا وانا راني نعرف كل واحد وحدة هنا في المنتدى وكامل واش راهم يديرو
وجامي وصلت بيا نحكي بيهم
مي والله يا البنات كي يغيرو يديرو كل شىء ومادرتيهاليش غير نت
ومن بعد يقوليلي علاه تكرهنا ، حاسبو رواحكم من قبل
ونتاع المشرفين هادي
ما عندي حتى صلة مع الادارة انا
المهم بينك وبين مولاك
انا رمضان رمضان ما نقدر ندعي في حتى واحد
ولي غلط معايا راني مسامحو دنيا وواخرة
ŤĤę ĹęĞăČγ МăĎЯĭĎĭ
دام هدرو عليا وقالولك,,, مالا خلاص ما عندي ما نقنعك بسك آمنتهم,, وبالنسبة لهذي الخرايب... عمري ما خربت,, عليها ما تقوليش تعرف واش رانا نديرو كامل خليها عالناس اللي تخرب وحاشا بسك أنا ما نعرف وما علابالي بللي يخرب,,, لذلك القصص هذي خليتهمل ليك... عكل فقط نصيحة إذا شفت حاجة ماشي مليحة "كيما الخرايب اللي تقول عليها" سيي تسقمها
مشي مليح تشوف منكر وتسكت عليه,, قال الرسول عن تغيير المنكر سييو تغيروه باليد ولا باللسان فإن لم تستطع ف قلبك.. واللي سكت حتى دار هوا حاجة وخاف تنفضح .. لذلك ما دامك ما درت والو ما تخافش عليا
ونتاع نغير منك هاذي ضحكتني بيها ما فهمتش علاش نغير ماكش خير مني فحاجة يا أخي ... وعلاه نغير مالا ما فهمتش
وعلى فكرة الخطرة الجاية كي ترسلي جيبلي الدليل,, وثما بلاك نستعرف بلي مشي كاميرا هههه
ونتاع بيني وبين مولايا هاذيك ساهلة تاكلة من روحي فاللي راح نقابل ربي بيه
بلاك كي كنت صغيرة غلط مي كي كبرت ,, الحمد لله مانيش نغلط
--
وبالنسبة لحكاية المشرفين ,, أنا نقولك واش صرا,,,
أنتا كونت واحد من المشرفين اللي غاابو شوية على المتتدى وأنا وكاين آخرين
فراح سيف الدين وكاكاشي حبوا يبدلو شوية على خاطر المنتدى نقصت فعاليتو وقال هذا بسبب المشرفين
ف على حساب واش قالي سيف أنهم طلبوا من كل مشرف يقترح إسم للشخص اللي ينحيوه,, وقالي انو الكل تافقو عليا وما دارش إستناء يعني كامل المشرفين.. والدليل كيما راك تشوف نحوهولي
كومسي غير أنا اللي وقفتلكم فوسط الطريق ما فهمتش يعني؟
لذلك فهمني درك ؟ أنا اللي نزعف ولا نتا؟
معليش الرسول ص ما علمناش نتكارهو لذلك .. راني نسيي نبذل جهد مضاعف باش نولي خير مالمشرفين الكل .. ومباعد راح نبينلك هذا
الوقت مزال بيناتنا.. وهاذ الأمر راني سقسيت بعض المشرفين عليه وما نكروهش.. لذلك ماكاش حتى داع نقولهالك مي حبيت برك نحطك فالصورة 
( الحكاية كبرت )
شكرا وسلام
Ῥяΐήḉḝ øƒ Łṍ√έ
شوفي ما تهربيش من الموضوع وما تقوليليش دليل يرحم والدين
راكي علابالك بكامل واش درتي
انا راه عندي دليل بصح حابك برك تعترفي بخطأك
واش فيها ناس كامل تغلط وباه نزيدك واش هدرتي عليا كامل يخرج فيك كيما راكم
ومازالو ليام بيناتنا وتشوفو
ياك ربي سبحانو يسلك فلي ظالم
.........................
وتزيدي تقولي بلي ما درت والو ؟
كون ما درتي والو ما يتفاهموش عليك المشرفين
راني قتلك قبيل حاسبي روحك قبل ما تحاسبي الناس
ŤĤę ĹęĞăČγ МăĎЯĭĎĭ
طيب ما نسقسيك على دليل ما والو
حبيت تحصل شي حاجة حصلها فالخرين
قلتلك مشي فارغة شغل نهدر عالناس,, وهذي مشي من شيمي
أي حاجة هدرتها هدرتها ديراكت,, والحاجة اللي كانت مجيناتني فيك قلتهالك ف موضوع الإنتقاد هاذاك لا تشفالو.. أنا ما عندي ما نزيدلك
وعادني نأكدلك... تالمو ماهدرتش عليك وحتى ولوكان تقولي ومانعرف واشنو
نحسبها عندي كاميرا كاشي
لأني ما غلطتش معاك ولا في حقك
والحمد لله يا ربي
وراك معذور
ماتزيدش برك تبعثلي رسالة تقول فيها هدرت عليك أوكي ؟ 
( راهي تقلقت )
---
وتاع المشرفين .... كل واحد عطالي سبة وماشيي كيما تحسابلك نتا
ومكانش ولا عضو غلكت معاه الحمد لله نعرف روحي يا أخ
ونزيد نأكدلك ما تفاهمو ما والو كل واحد فهمني علاه
ألور حبيت نستناها منك نتا؟
هاتلي سبة بغير هاذ التهريج نتاع غلط وهدرت عليك.. السبة اللي خلاتك نتا ثان ترشحني أنا للإقصاء
وما تخافش كاين ربي راح يحاسبنا ,,,, مانيش خايفة كامل ( بـــآبـــآ قصة كبيرة وانا ماعلاباليش بصح ماعليش راهي اعترفت ودرك نديرها بيها )
Ῥяΐήḉḝ øƒ Łṍ√έ
انا سبتي راهي باينة على كل حال
ما تلعبيها ملك ولا ما نعرف واش
شوفي راكي قلقتيني ودرك نبدا نقوووووووووووول كل شىء
ماعلاباليش انا اسكو هدرتك عليا نصيحة ولا ما نعرف كيفاه فهمتيها
وزيد انا ما نظنش بلي بيت العرب يحتاج مشرفتا كيما نت بكل صراحة ( مسكينة ما تستاهلش )
شوفي انا نقولهالك في وجهك
ŤĤę ĹęĞăČγ МăĎЯĭĎĭ
مارانيش ملك حاشا ,,, مي كل واحد يعرف روحو عالعموم
طيب
قول واش راك تستنا ؟؟؟
ويلا نتاع ما تظنش,,, مش مشكلة هذا رأيك ونا نحترمو
وشكرا على الصراحة راك زدت فيا النص ( يــــــــآو فــآقو يــآ اختي هدرتم باينة عليك )
Ῥяΐήḉḝ øƒ Łṍ√έ
اووووووووووووه اووووووووووووه تديريها ومن بعد تديفوندي على روحك
ايا احلفي بلي ما هدرتيش عليا بلي انا درت ودرت مع واحد الطفلة ما نذكروش اسمها
لالا قولي طيحت مني النص
ايه انا من بكري نهدر في الوجه
ŤĤę ĹęĞăČγ МăĎЯĭĎĭ
مـــانردلكش خير,,, كي جيت مأمن
أوكي علا راحتك... بصح ديرها ف بالك
مشي من النوع اللي يهدر أنا
جيبلي هاد اللي هدرتلو عليك وعلى هاد الآنونيم وثما ساهل
وماتبعثليش رسالة لا ماقلتليش شكون و واش قلت وبلا دليل أوكي
العقلية هادي أنا ما نحبهاش
والله ما طيحت مني حتى الثلث كونك مهني,,
لوكان كان هك كنت ما رديتلكش كامل
Ῥяΐήḉḝ øƒ Łṍ√έ
بيان سير ما ترديش
راكي ما لقيتي ما تهدري خلاصتلك الهدرة
نقلك انا ما نجيبلك شكون هدرتي وواش هدرتي
ياك راكي علابالك
وباه تعرفي انا ما نفتنش بين الناس كيما نت
والحديث قياس
ŤĤę ĹęĞăČγ МăĎЯĭĎĭ
واشحال تفهمو الهدرة كيما حلاتلكم ؟؟
أنا قلتلك خبرني نتا ما حبيتش واش نديرلك انا
نعترفلك بحاجة ما درتهاش؟؟؟
دبر راسك .... قولتلك لكان غلطت فحياتي بلاك بكري
اما فالعوام هادوما الحمدد لله ما غلطتش وما هدرت على حد
ويلا جا كلامي ما قنعكش... هاذاك الشي شغلك
عكل أعتذر ,. مشي خسارة
وتاع تفتن هادي راك بديت تلعبلي في مخي... كومسي صح درتلك فتنة أنايا,,, آمن اللي هادوك ياللي فتنوك... والباقي راك تعرفو بيان
صايي صايي,, دبر راسك آمن اللي عجبك.. أنا ما نحلكش باه تامن
ســلام
Ῥяΐήḉḝ øƒ Łṍ√έ
وخديجة 07 ( مسكينة دخلناها في اللعبة وهي ما علابالها بوالو ..ان شاء الله تسمحنا برك )
واش قلتيلها عليا ؟ راه وصلني كل شىء
وقيل ما عجبكش الحال كي لقيتينا نحكو بيا بيناتنا
وهادي قتنة ولا بنت عمها ؟
ŤĤę ĹęĞăČγ МăĎЯĭĎĭ
خديجة قالتلك هك؟؟؟
شوف أسيدي.. مليح
طيب دام وصلك ما عندي ما نزيدلك
عكل حنا كبار,,, ومشي نتاع القيل والقال
وكيما قلت الكلام قياس
لا هادي هيا الفتنة نتاع الصح
عكل باراك الله فيك كي صارحتني
درك عرفت كلشي
أيا سلام ... و أعتذر رغم كل شيء
بالاك كانت رسايلي مش مليحة ليست بطبيعتي هذا
أعتذر مجددا صح فورك وسحورك
وعلى فكرة سالي على خديجة وقوللها,,, ربي يوفقك ف كلشي
و رغم كلشي,,, مزالها صغيرة مسامحة دنيا وآخرة
أعتذر لك حقا على كل شيء حتى على ما أفتري علي,, ونتا كبير تعرف وين راه الصح
ســلام
( هنا غـــــــآضتني وحسيت بيها رايحة تبكي كيما لطفي دوبل كانون )
Ῥяΐήḉḝ øƒ Łṍ√έ
لا حول ولا قوة الا بالله
ماني حاب نخسر حتى واحد فيكم وما لقيت شكون نصدق فيكم
حتى وحدة فيكم ، وكيما قلتي خديجة راهي صغيرة وما علابالهاش واش راهي دير
ليلى اختي بليز ما تلومينيش ، ايماجيني روحك في بلاصتي
ما لقيت ما نقول
مالقري خديجة اعطاتني المحادثة نتاعكم وانا امنت
راني شاك بلي راهي دارتها بينانتا
مانعرف علابالك ما لقيت ماندير صراحة
ŤĤę ĹęĞăČγ МăĎЯĭĎĭ
لالا هذا من حقك وأنا ما نلومش عندك كل الحق تزعف
وهيا ربي يسمحلها
شوف أنا ما نقولك حتى حاجة كونتر عليها بسك رغم واش قالت والله غير نحبها ونعزها,,, مي جابتها لروحها ربي يسمحلها
ونتا آمن اللي حبيت ,,, والله ولوكان ما آمنتنيش ما نزعف منك هذا حقك زمشي صعيب واحد يكذب عليك ويشهد بالزور
ما عندك والو نتا خليها على ربي وصايي
أيا سلام صح فطوركم
Ῥяΐήḉḝ øƒ Łṍ√έ
يا اختي علابالي بلي راكي كبيرة وشكيت فيك ماديريهاش
ودرك راكي دخلتيلي الشك بلي خديجة دارتها بينتنــــــــآ
هاي ليك المحــــآدثة ونت قوليلي صح ولا لالا ؟
وفي الاخير نطلب السمـــــــآح من الأخت ليلى ربي يحفظهــآ ويخليها ان شاء الله
ونقلها ان شاء الله يرجعلك الإشراف و انت ماشاء الله مشرفة رآئعة ونشيطة
وأيضــــآ خديجة نطلب منها السماح لاننا ادخلناها في اللعبو بدون علمهــــــآ
2013-08-02, 04:11 AM
||•.• كَـــآمِيرآ كـــآشِيٍ [ŤĤę ĹęĞăČγ МăĎЯĭĎĭ]•.•||
العرض العادي
