الريفيو .... بقلمي

[صقر الجبال]

قالو هارواح خويا راه عام جديد نفوتو الريفيو
نزهاو ونشربو نروحو لبعيد
لاخر قلو هدي حاجة باينة ماقدر يسمح في خيو
زعما واقف معاه وقفة صنديد
كي وصلو قالو ماشربنا من هاد النوعية اليوم منها نسيو
يا خي اليوم عقلي نعمرو ونزيد
رد عليه صاحبو كثر منو انا اليوم نشرب بتيو
راني مغودد من هاد الدنيا تغوديد
سكروها وكل واحد بدا يخلط في حكيو
وبدات بيناتهم العركة بالتهديد
الكلام كثير باين بلي هدو زوج يعيو
كلامهم عار يوسخ القصيد
حمل السيف ودا للخمر رايو
وقال لصاحبو نقتلك راهي حكماتك صنارة الصيد
شوف الغافل وين يديه سهيو
يديه لحوايج الغبينة والتمرميد
الانسان العاقل مكان زيو
تلقاه بفكرو عندو راي سديد
عزيز عند الناس فيه يحيو
قيمتو ساوية قيمة عميد
بقلمي حسام