قسم يوميات العضو

ě๓Oxằ ḿaḒřidṧTắ · 2012-10-09, 05:53 PM

السلام عليكم ورحمة الله وبركاته
comme toujour كنت نحوس في المنتدى ونقراا في مواضيع الى
ان التقيت بهدا الموضوع الدي وضعته العضو سجل انا جزااائرية
قراية قراية ...عذرا مصطفى
وتدكرت ما اجمل تلك الايام واردت استرجاعها معكم
كم اتمنى لو اني مزلت ادرس في الابتدائي

كتاب القراءة في قمة روعة
الجمل التي لم انساها

دائما بطاطا انا كرهت البطاطا
,بطاطا وسمك الا تحب سمك
نورة تحلب البقرة
لي عندوو هد لكتاب ممكن يسلفولي psk تواحشتواا مليار
تاع الفرنيسية
selma va a l"ecole

bounjour papa
bounjour mama
حصة عجينة فوررر
حصة تعبير الشفهي
عبر كيما تحب نشفى على صورة
تاع حادت سيارة كي وقفني سيدي وانا مكنتش محضر روحي
معلاباليش واش كنت نقول
عطاني 2 ضربات كي قالنا تامل صورة
كنت نلعب بممحاة لي شريت جديد ة
و فيها ريحة تاع البرتقال
هههههههههههههههههه
اتمنى ان يعجبكم الموضوع

0_0

_sara_23_ · 2012-10-09, 05:58 PM

ههه تع بكري خلاص ..روعة كون جا الزمن يرجع شويا لورا راني رجعت على روضة ههههه

ě๓Oxằ ḿaḒřidṧTắ · 2012-10-09, 06:02 PM

اقتباس:

ههه تع بكري خلاص ..روعة كون جا الزمن يرجع شويا لورا راني رجعت على روضة ههههه

هههههههههه meme انا
شكراا لك على مرورك
0_0

فدوى · 2012-10-09, 06:15 PM

ههههههههههههههههههههههههههههه

سيف الدين · 2012-10-09, 07:13 PM

وعليكم السلام ورحمة الله وبركاته

والله ضحكتيني ههههه .. العفايس نتاع لولاد صغار مليح واحد يقعد ويتفرج برك هههه
انا الكرارس نتاعي كما كنت في الابتدائي مزال عايشين

.. وش الكتبة هذيك ووش
العلامات هذيك ههه .. غاضني واحد معلم كنت نقرا عندو .. صاحبي قاعد يهدر معايا
وانا قاعد نتبتع في المعلم وبما اني ما حبيتش نحشم صاحبي ضحكت برك ضحكة خفيفة
وراسي مع المعلم .. هيا سيدي عيط عليا انا وياه وضربنا بتيو اخخخ

ومعلمة نتاع
فرونسي في سنة 5 حس في القسم ناضت كامل ضربتنا وجات ليا قاتلي زعما انت
عاقل وانا خاطي ما هدرت مع حتى واحد ... يآآآه واحد بشر الله يسامحهم هذا مكان ..

كنت بكري نحضر زعما الدرس في الدار زوج مرات وثلاثة ونعرضه للوالد .. تعجبني
القرعة نتاع الأناشيد يكتب المعلم اسامي نتاع القصائد في الورقة وكل واحد وزهرو ههه
هيا مرة هزيت ورقة لقيت قصيدة ما حفظتهاش وش درت بما أنو المعلم ما يشوفش
الورقة قتلو قصيدة فلانية وهي خاطية هههه لانو قصيدة الي قتلو عليها حفظتها والي
في ورقة ما حفظتهاش .. ربي يغفرلنا برك :D

في السنة الاولى وش كنت ندير بما أني ما نعرفش .. كل مرة نروح نقرى في قسم
حتى حكمنا المعلم نتاعنا قالنا انا هو سيدكم هنا تقراوا اخخخ

..

يعطيك الصحة على الموضوع راكي دخلتينا في الأرشيف هههه
ربي يحفظك اختي

ě๓Oxằ ḿaḒřidṧTắ · 2012-10-09, 07:22 PM

اقتباس:

وعليكم السلام ورحمة الله وبركاته

والله ضحكتيني ههههه .. العفايس نتاع لولاد صغار مليح واحد يقعد ويتفرج برك هههه
انا الكرارس نتاعي كما كنت في الابتدائي مزال عايشين .. وش الكتبة هذيك ووش
العلامات هذيك ههه .. غاضني واحد معلم كنت نقرا عندو .. صاحبي قاعد يهدر معايا
وانا قاعد نتبتع في المعلم وبما اني ما حبيتش نحشم صاحبي ضحكت برك ضحكة خفيفة
وراسي مع المعلم .. هيا سيدي عيط عليا انا وياه وضربنا بتيو اخخخ ومعلمة نتاع
فرونسي في سنة 5 حس في القسم ناضت كامل ضربتنا وجات ليا قاتلي زعما انت
عاقل وانا خاطي ما هدرت مع حتى واحد ... يآآآه واحد بشر الله يسامحهم هذا مكان ..

كنت بكري نحضر زعما الدرس في الدار زوج مرات وثلاثة ونعرضه للوالد .. تعجبني
القرعة نتاع الأناشيد يكتب المعلم اسامي نتاع القصائد في الورقة وكل واحد وزهرو ههه
هيا مرة هزيت ورقة لقيت قصيدة ما حفظتهاش وش درت بما أنو المعلم ما يشوفش
الورقة قتلو قصيدة فلانية وهي خاطية هههه لانو قصيدة الي قتلو عليها حفظتها والي
في ورقة ما حفظتهاش .. ربي يغفرلنا برك

في السنة الاولى وش كنت ندير بما أني ما نعرفش .. كل مرة نروح نقرى في قسم
حتى حكمنا المعلم نتاعنا قالنا انا هو سيدكم هنا تقراوا اخخخ ..

يعطيك الصحة على الموضوع راكي دخلتينا في الأرشيف هههه
ربي يحفظك اختي

ارشييف في قمة الروعة اليس كدلك
مليح كي كنت عااقل وتحضر دروس
سنوات الاولى تاع الابتدائي كنا كدلك
لدينا نوع من الخوف وحب الدراسة وشوق
كلشي كان مثالي
ونديروه ببرائة حنا تاني كونا نديرو عفسة تاع اناشيد
وكان استاد يجبب بوست معاه ويحطلنا اناشييد وحنا نشدوااا معاه
صح استاد تاع الابتدائي كنت نحس بلي يحبنا مزلت حتى لدرك نقولوااسيدي
وكينلقاه برى نحشم منواا ام اساتدة تاع متوسط وليسي نكرهم وكينشوفهم
نتقلب ههههههههههههه
شكرااا لك على المشاركة
0_0

سجل..انا جزائرية · 2012-10-09, 07:37 PM

السلام عليكم و رحمة الله

هههههههههههههه مليح كي فكرتينا بايام زمان

ايييييييييييييييييييييييه يا حسراه على ذوك ليام

نتفكر كنت نقرا فالسنة الرابعة كي بدينا نتعلمو الفرونسي

اول حصة ما فهمت فيها والو ..نتفكر هاذ الفوطو كي رجعت للدار وليت نزوخ عليهم

راني نهدر فرونسي راني نهدر فرونسي صايي ادوني لفرنسا

هعع و انا حفظت الاسماء نتاع هاذو برك

نتفكر كنا نديرو حوار يقراهلنا الشيخ 3 مرات و يقولك غدوة مثلوهلي فالسبور

و حنا الي تصيبيها ترتجم فيه بحروف عربية و تكتب

التي تصيبيها تملي على صحبتها

التي تصيبيها غي دور في راسها كش ما تقضب كلمة معاه

و هكاك من بعد نحفظوه و نولو متابقين شكون الي يمثلووو هع

..الشيخ الله يسامحو كان يضربنا بزاف سورتو على نطق الحروف ...بصح تعلمنا معاه بزاف

نتفكر كل يوم يقرض واحد من ذراعو و شحال من طفلة طاحت على طابلتي كي يضربها

آآآآآآآآآه ربي يسامحو

لو كان نجي نحكي ما نحبسش

سورتو على كتاب القراءة و ذيك اللعبة ....سورتو العفسة نتاع السكوتش تدميريها تروح و من بعد تلحقيها

الطابلة مسكينة عجبنا بيها ...رسوم تشكيلية من كل الانواع

و ما ننساوش العفسة نتاع المنشفة ...كنت نية بزاف على عكس صحاباتي يكوبو بيها

و الي قرا الحضانة كيفي نتفكر كنا دايينها غي لعبة و جمايع

مش كيما دوك مساكين ...دايرنلهم تلفزيون كلي هوما متوحشنو

نظن ثرثرت بزاف

مرسي بوغ لو موضوع ..ربي يحفظك

ě๓Oxằ ḿaḒřidṧTắ · 2012-10-09, 07:42 PM

العفو
دكريات جميلة
كون نبدواا مانخلصوهاش
مي هي لي عالقة في رواسيينا
شحال مكنتش علابالي بلي
هد ليمات توااحشكم كيما هك

مشكورة غاليتي على مشاركة
0_0

imane96 · 2012-10-09, 07:55 PM

هههههههههههههههههههههه

والله غير صح

ذكريات لا تنسى

مشكوووووووووورة كي فكرتينا

ě๓Oxằ ḿaḒřidṧTắ · 2012-10-09, 07:58 PM

العفو

مشكورة على مشاركة
0_0

المواضيع المتشابهه للموضوع: شكون حاب يرجع لهد ليمات
الموضوع	كاتب الموضوع	المنتدى	مشاركات	آخر مشاركة
مجلات فرسان المعرفة في الاجتماعيات bem 2015	Man Of Chemistry	قسم تحضير شهادة التعليم المتوسط BEM 2017	0	2015-01-26 12:47 PM
الخواف يرجع ...................	بسملة الرحمان	ركن القصص القصيرة والطويلة	8	2013-12-30 03:41 PM
شكون لعبتها ؟؟	قطرة ندى	قسم يوميات العضو	18	2013-12-28 07:05 PM
ههه شكون مازال يشفا عليها	Free Girl	قسم التسلية والترفيه	5	2013-08-25 04:37 PM
شكون يقدر يفهمني	samia belaroussi	قسم تحضير شهادة التعليم المتوسط BEM 2017	13	2012-11-22 07:28 PM

جديد مواضيع منتديات بيت العرب الجزائري

			تذكرني