بياناتكم الشخصية..........

[samzizou]

السلام عليكم اخواني اخواتي

أردت فقط القاء بعض الملاحضات حول بياناتنا الشخصية و انواعها في المنتدى و ارجوا ان تكون بياناتك ضمن المجموعة




1 / يوجد بيانات شخصية تقول راك في ام بي سي تريmbc3
ولاspace toonيكترو عليك غير صور الانمي, ناروتو, فلة, و جماعتها. صور نتاع طابلية غوز و لوكان تشوف سن الشيرة عندها 18 عاام!!!!ختي سيادك راهم يطيرو









2/ يوجد ايضا بيانات كاتبين فيها فقط / انتى او ذكر الباقي فارغ

هادا يؤمن بالمقولة الشهيرة

الهدرة قليلة و الفهامة بزاف ...





3/ يوجد بيانات هادي ماعندي ما نقول .. تقول راك في جامع ولا زاوية تدكير بادعية و احاديت و صور دينية نقولهم ..الله يبارك ....







4 / هادي وحدها بيانات شخصية تقول راك داخل لسفينة التايتنيك و لاlove storyما تخربوليش فيها ... يا خويا ما تخافش ما نخربوش فالببوش حاسبها madona هادي


نحبها و نحب الي يحبها ...

نموت على بابيشة و نطيبلها التشيشة

الي يشاركني في حبه نقتله .. criminele

زيد صور القلوبة و الكبد و الطيحان كل ما هو احمروقلب مجروح و الدم ينزف هادي بيانات ولاl’urgence

خويا زيد غير تصاوير نتاع ليباري وsyntol.. وحل كلينيك ولا فارماسيان..





5/كاين بيانات مولاها ولا مولاتها حايريين فالدنيا

صور لواحد مطأطأ راسه فالارض ولا مريح في جبل

كلش عاطيه بضهره وعلامات اليأس و القنوط على الصور وعبارات مضببة غير تدخل لهذه البيانات تفشل وتحكمك القنطة ...تفكر غير ..إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ }








6/ بيانات ... تقول راك في ميلودي و روتانا غير الفنانات و المتبرجات اليسا هيفاء و جماعتها .. كلمات للاغاني

.. يا اختي زيدينا غير الالحان لا بغيتي و حنا نديرو فيديو كليب فالمنتدى





7/ بيانات حلوة الترك .. تشوف غير صور الفنانين التركيين الي طلسو بيوت المسلمين .. لميس مهند يحيى اخضر اسمر سنوات الدلاع .. لحضةgloria وداع ياو على بالنا بلي تتفرجوا ....





8/ بيانات تقول راك ف ستاد تشاكر ولا 19 جوان الحمرة و الخضرة دايرة حالة وصور الفيميجان والعلامات

و يكترلك كاليفي كاليفي كاليفي ... حفضوهالنا

الي يشوف بياناتك يحسب ادينا الاستقلال .....قاااع نبغو الجزائر بصح مرقتوها ..

و اخيرا اين بياناتك من هذه الاصناف ولا انت خارج مجال التغطية

[number47]

هههه ، عندك حق ، يعطيك الصحة على الموضوع

[samzizou]

ربييي يحفضك خوياا معايا تدي الصح هههههههه

[الأفق البعيد]

الصراحة ماتوقعت يكون هذا الموضوع ( لما قريت العنوان ) >>( قلت واقيله مثل باقي المواضيع يطلب اسمك عمرك عملك دراستك وايمتا تموت ..)

مي الموضوع طلع ( أحسن بكثير ) ...( غير طعم يعني ) هههه

شكرا خويا سام ...( سررتُ بمروري بموضوعك ) ^ ^

( وأكيد طبعا كلو صح ..)

[kakashi_senpai]

معك حق نعم في ما قلت

لكن قد يكون للبعض حب للغموض او عدم تعريفه بنفسه

فيضع ما يريد ، كل منا يرى ما هو مبالغ فيه بحسب رأيه وعند الاخر تجده صحيحا

المهم ... الصحة برك ، عدت منقدرش نكتب بزاف هههه

شكرا لك على الطرح

دمت بخير

[عنقاء]

هههههههههههههه موضوع روعه
و الله عندك الحق كاين واحد كي تشوف بيناتو الشخصية عقلك يتكودا هههه
دمتم بود

[اسلام339]

موضوع رائع بارك الله فيك

[3a9lia dz]

hhhhhhhhhhh sah
merciiiiiii

[غيثاء]

السلام عليكم و رحمة الله تعالى و بركاته

هههههههه ايه موضوع هايل ...مكانش في بالي يكون هكدا....قريب نسينا على شكل مواضيعك ...المفيد ...اهلا بك من جديد و بمواضيعك الطريفة....راني شفت مع روحي لقيتني من صحاب لفهامة بزاف و الهدرة قليل ....يخي هاذي حاجة مليحة ولا لالا فهموني هههههههههههه