سامحونـــــــــــــــي

[متأثرة]

السلام عليكم ورحمة الله تعالى وبركاته
أخواني الأعضاء و أخواتي وكل من دخل هذه الصفحة وكل من أعرفهم وشاركتهم مواضيعهم وشاركوني
سامحوني يمكن هاذ الشهر ماندخلش يمكن نطول ماتزعفوش مني عندي دراااااسة بزاااااااااف
راني نخدم في مذكرة التخرج لوحدي وتعبتني بزاف. خلص كملت الفصل الأول والفصل الثاني بفضل المدير التنفيذي سيف الدين هو لي ساعدني و كل الشيئ من الفصل الأول درتو من عند المدير التنفيذي جزاه الله خيرا ربي يجعلها في ميزان حسناته
المهم حبيت نقولكم اذا ماجيتش للمنتدى ماشي معناتو نسيتو بصح كاين زوج صوالح اما عندي دراسة بزاف أو ديلي تاع الأنترنت خلاصلي أوك ؟لكن نوعدكم كل مرة على مرة ندخل نطل عليكم وعلى مواضيعكم
نتمنى تفهموني شكراااا بصح ليوم راني قاعدة لهنا نشارك معاكم ههههه مي منا وجاي مانوليشش ندخل بزاف

[سيف الدين]

وعليكم السلام ورحمة الله وبركاته

أهلا بك أخت الكريمة ..

تمنياتنا لك بالتوفيق ان شاء الله في مجالك الدراسي ودعواتنا لك بالتفوق ان شاء الله، وان شاء الله تكملي
المذكرة نتاعك على خير وتتحصلي على تقدير ممتاز ..

بشأن المنتدى ان شاء الله ترجعي إليه في يوم ما، مع أنه فيه الكثير من الأعضاء يقولوا الكلام هذا وما
نزيدوش نشوفوهم ههه ، لأنو كل ما طال الغياب عن شيء تعودنا عليه احتمالية تخليك عنه ممكنة جدا
وبنسبة كبيرة، وان شاء الله ما تكونيش أنت من هذا الصنف ونشوفو رجعوك ان شاء الله

بالتوفيق لك

[صقر الجبال]

اهلا بك اختي الكريمة

اولا وقبل كل شيء ان شاء الله ربي يوفقك في دراستك وان شاء الله تتحصلي على واش راكي حابة

اما بشان المنتدى نفس واش قال اخونا سيف الدين

نوالفو اعضاء ينشطو معانا بين ليلة وضحاها يروح ما يزيدتش يرجع

احنا ما نقولولكش وداعا انما نقللك الى الملتقى ومرحبا بيك في اي وقت

وربي ينجحك ان شاء الله

اخوك حسام

[غيثاء]

السلام عليكم و رحمة الله تعالى و بركاته

بالتوفيق اختي العزيزة ان شاء الله تتمكنين من انجاز المذكرة و تنالين تقديرا يرضيك و تشاركيننا بها لتعم الفائدة و نشاركك فرحتك بالتخرج .....ان شاء الله لا تطول الغيبة كثيرا و تؤتي ثمارها ههه...دمت بخير

[متأثرة]

لالالالا والله وعد مني أرجع والفتكم والفت المنتدى فقط عندي مشكل يمكن مانخلصش النت في وقت قريب اذا مارجعتش خلو في بالكم باش ماخلصتش النت راني مشومرة هعهعهع وأما الدراسة ماراهيش مشكل كبير ماراهيش عائق كبير فقط مانوليش نفتح المنتدى بزاف لكن في ليل حاجة ماتمنعني باش نفتحو و اذا كان حليتو نشارك
يعني ماغاديش نقطعو خلااص قتلكم فقط مانوليش نجي اذا ماخلصتش النت فهمتوني؟
وعد مني مانتركش المنتدى الا للسبب عائلي أو صحي
الله يجازيكم كل خير

[number47]

أعانك الله ووفقك في دراستك وفي انتظار عودتك الينا

مودتي لك

[nadjofeva]

و عليكم السلام و رحمة الله و بركاته
لا عليكِ أختي الكريمة مافيها والو
و دراستك أولى ، ربي يوفقك ان شاء الله
و تتخرجي و بتقدير ممتاز ،
(مذكرتك هادي في الجامعة؟ ماتسوتنيش في آخر العام ؟؟ لانك قلتي شهر لم أفهم )

و يا اعضاء هالطفلة راهي تقولكم بالاك مانقدرش ندخل كل يوم ولا ماندخلش بزاف ماقاتلكمش راني رايحة ولا لالا أختي ،
(هي تبدل رايها و تقول نروح gاع )،

أنا أيضا راني مشغولة و الكثير من الأعضاء و كي نقدرو ندخلو ندخلو و كي مانقدروش ماندخلوش هادي هي .
ربي يحفظك و كل التوفيق و النجاح لكِ.

[naruto_shippuden]

بالتوفيييييق بانتضار العودت نتاعك

[متأثرة]

لالا مذكرتي هاذي في المعهد درست عامين وستة أشهر تخصص تقني سامي في التأمينات
يعني درست عامين وهاذي ستة أشهر تاع ستاج نخلصها في شهر جانفي أو فيفري فهمتي أختي؟
وأيضا أنا مارانيش رايحة نروح نروح قتلكم فقط اذا شفتوني ماجيتش خلاص خلاص معنتها النت خلاصلي
لكن قتلكم مهما راني ندرس صح ماغاديش نجي للمنتدى بزاف بصح ماشي غادي نقطع نهائيا لالالالالالالالالالالا
حاشا والله رانا عائلة وحدة ربي يحفظكم
ربي يجازيكم اذا صدقتوني ماراحش نقطع عليكم الا بسبب وعدتكم
la preuve بارح قتلكم مانجيش بصح جيت ليوم غير قتهالكم احتياطيا يعني يلى ماجيتش عرفو بلي نت خلاصلي بليييييييييييييييز أنا وعدتكممممم

[nadjofeva]

المشاركة الأصلية كتبت بواسطة متأثرة

لالا مذكرتي هاذي في المعهد درست عامين وستة أشهر تخصص تقني سامي في التأمينات
يعني درست عامين وهاذي ستة أشهر تاع ستاج نخلصها في شهر جانفي أو فيفري فهمتي أختي؟
وأيضا أنا مارانيش رايحة نروح نروح قتلكم فقط اذا شفتوني ماجيتش خلاص خلاص معنتها النت خلاصلي
لكن قتلكم مهما راني ندرس صح ماغاديش نجي للمنتدى بزاف بصح ماشي غادي نقطع نهائيا لالالالالالالالالالالا
حاشا والله رانا عائلة وحدة ربي يحفظكم
ربي يجازيكم اذا صدقتوني ماراحش نقطع عليكم الا بسبب وعدتكم
la preuve بارح قتلكم مانجيش بصح جيت ليوم غير قتهالكم احتياطيا يعني يلى ماجيتش عرفو بلي نت خلاصلي بليييييييييييييييز أنا وعدتكممممم

آه نعم أوك فهمت دوكا ، ربي يوفقك مابقالكش بزاف و تكملي ان شاء الله (أومبعد ارواحي عندي تعاونيني شويا ).

أكيد أختي مصدقينك ماتقلقيش روحك كامل
و المهم تنجحي،
و مرحبا بيك في كل وقت و ربي يحفظك ان شاء الله و يعطيك على حساب نيتك الطيبة .