ما من رسايل واردة عذبوني

[اميرالظلام]

مامن رسايل وارده عذبوني
أرسلهم لكنهم مايردون
أخواني اللي ساكنين بعيوني
وانا بلياهم بلا قلب وعيون

أدري بهم ماقصدهم يتركوني
لكن مشاعرهم من فراقي يشجون
ماالومهم ماودهم يجرحوني
يدرون قلبي عقبهم صار مجنون

ذكراهم الحلوه تحرك سكوني
وتزيد شوق داخل الروح مكنون
واطيافهم عيت تفارق عيوني
صافي غلاهم بين الاضلاع مدفون

لهم دروس مباركه يدرسوني
فيها من آيات واحاديث ومتون
لهم مجالس طيب يلتقوني
وعن العلوم الغانمه مايحيدون

ولهم ملاعب حافله بالفنوني
اذا تجمعنا بها بهجة الكون
لاصار جوه غايم بالمزوني
يزين وقت اللعب بإبداع وفنون

لي ذكريات بينهم صدقوني
مايحتوي تعريفها أي قانون
مثل المطر بعلومهم ينعشوني
مثل النجوم الزاهره يوم يمشون

ان جيتهم بقلوبهم يحتوني
وان رحت أشوف دموعهم يوم يبكون
وان غبت عنهم دايم يذكروني
وان زرتهم من جيتي مايملون

عاهدتهم بالله وهم عاهدوني
إنّا نعيش اخوان وابليس ملعون
أهل الوفا والكل قلب حنوني
ولو طلبت أرواحهم قالوا تمون

بالله من هو مثلهم خبروني
قلولي انتم شفتم اخوان هاللون
الا انا أشبهم وهم يشبهوني
والا والله باقي الناس يبطون
من بريدي
دمتم كماتحبون