استاذ في موقف محرج

[سيف الدين]

السلام عليكم ورحمة الله وبركاته

واش احوالكم ان شاء الله راكم بخير

امممم "استاذ في موقف محرج"

شقيقتي قاعدة تحكي على أستاذة نتاعها لما غلطت في واحد الكلمة بالفرنسية راحت قاتلها
يا استاذة راهي غالطة .. بصح راحت قاتلها في البيرو نتاعها مش امام التلاميذ .

مالا

تفكرت روحي لما كنت ندرس في المتوسطة مع واحد الاستاذ نتاع الفرنسية مسكين غلط في
كلمة بالفرنسية كتبها غالطة في السبورة، هيا وانا زعما شاطر احم احم قتلو مسيو كلمة
هذيك راهي غالطة راح حكم مسحها وصححها، والمشكلة مش هنا، المشكلة في هذيك
اللحظة يترسم عندنا و3 مفتشين قاعدين من الخلف باش يقيموه هذيك التبهديلة

مسكين في العام هذاك ما ترسمش وبدل قسم آخر وترسم معاه ونجح والحمد لله

وانتوما

وشكون خلا الاستاذ نتاعو في موقف محرج وصحح المعلومة نتاعو

سيف ^^

[nadjofeva]

و عليكم السلام و رحمة الله و بركاته

الحمد لله بخير ان شاء الله انتم ايضا

أممم ممكن شقيقتك كان معها حق و ماحبتش تحرج الاستاذة .

هي الأكيد مانصحولهمش باش نحرجوهم بالضرورة و انما باش الخطأ يتصحح برك ، و أيضا مرات عفويا الواحد يهدر.

بالنسبة للأستاذ المسكين الي ماترسمش ، موقف محرج حقا قدام المفتشين و جل من لا يخطئ(بصح كاين الي يستاهلو لانهم ماشي كفؤ باش يقرو أجيال و انما يهردوهم برك).

بالنسبة لي،أعلم أنني فعلت ذلك ربما عدة مرات في المتوسطة او الثانوية ، و لكن لا اتذكر حاليا مواقف كثيرة ،
اتذكر مرة انني قمت بذلك في المدرج (كوغ) في اول عام لي في الجامعة مع واحد الأستاذ بصح مانظنش سمعوني كامل لاني هدرت بشوية و كنت قاعدة في الصف الأول، و هذاك الاستاذ مابينش انو زعف خاصة و انه يعرفني، لانه كان يدرسني مام فتيدي و حفظ اسمي من اول حصة اخخخ ،
صححتلو عفسة تع مؤنث و مذكر غلط كي كتب في الطابلو (هو أستاذ الله يبارك متمكن من المادة العلمية نتاعو و كان قريب يدي الدكتوراه و لكن عندو مشكل مع المؤنث
و المذكر يغلط كي يهدر ولا كي يكتب ، مرات سهوا و مرات ينسا او لا أعلم،
المهم هو واحد من خيرةالاساتذة الذين استفدت منهم في الجامعة الله يبارك جزاه الله خيرا،
و بالرغم انو كان يظل يهدر في البنات و مذابيه كان الجامعة مايكونش فيها لبنات أخخخ،
و يقعدو في الدار، (من جهة كان عندو الحق لأنه كان يشوف مواقف معينة و لكن مش لازم نعمو)، و كان يقولنا انا بنتي ماتقراش في الجامعة غير اذا كانت ممتازة تع الصح ،
بزاف كانوا يكرهوه على هدرتو لكني لم أكن افعل فأسلوبه في التدريس و الشرح ووو ملاح و كنت نفهم عندو) و أعتبره استاذ رائع.

اذا كملت هكا مانحبسش و دوك نشرحلكم المقياس أيضا و راني ديجا خرجت على الموضوع(المقياس ماقلتش وشنو هو اونكا يعرفوا الاستاذ ولا يعرفونا برك ).
شكرا

[عنقاء]

السلام عليك ولد خالتي

بنت خالتي كانت محقة انت تاني عندك الحق ماعليش نت صحح المعلومه والاستاذ ماشي شرط يترسم ههههههههه


موقف محرج امممممممم
عندي مواقف ماشي موقف
المهم نحكيلكم واحد
انا كي كنت نقرا في الثانوية وبالرغم اني كنت علمية كنت مدمنة على مادة التاريخ
انا من عشاق التاريخ كنو زلائي مسمييني وزيرة الارشيف هههههههههه

المهم....حنا نقراو كتبت الاستاذة تاريخ في الصبورة الغاشي كامل كتب و سكت
وانا ماحملتش خطا في حق التاريخ هههههههه
قلتلها استاذة التاريخ غالط قاتلي كيفاش غالط صحيح
انا نقول و هي تقول ....جبدنا الكتاب انا صحيحه و هي غالطه
ولاه قنعت قاتلي كتابك غلط ههههههه.....
قلتلها ماعليش درنا بحث فالانترنيت
قنعت اخيرا بلي انا اللي صحيحه و هي غالطه
مسكينة عادت كي يعود مكانش تاريخ في الكتاب
تكتبو وتقولنا تاكدو من صحة التاريخ من وزيرة الارشيف اولا ههههههههه

دمتم بود

[سيف الدين]

المشاركة الأصلية كتبت بواسطة nadjofeva

و عليكم السلام و رحمة الله و بركاته

الحمد لله بخير ان شاء الله انتم ايضا

الحمد لله، الله يدومها ان شاء الله، نحن بخير والحمد لله

أممم ممكن شقيقتك كان معها حق و ماحبتش تحرج الاستاذة .

ايه لأنها واحد المرة غلطت وقالت أمام التلاميذ والاستاذة
هذيك الله يهديها ولات تظل تعس فيها وتشريهالها.

هي الأكيد مانصحولهمش باش نحرجوهم بالضرورة و انما باش
الخطأ يتصحح برك ، و أيضا مرات عفويا الواحد يهدر.

ايه صحيح

بالنسبة للأستاذ المسكين الي ماترسمش ، موقف محرج حقا
قدام المفتشين و جل من لا يخطئ(بصح كاين الي يستاهلو
لانهم ماشي كفؤ باش يقرو أجيال و انما يهردوهم برك).

نعم كاين الي ممكن خطأ عفوي وخاصة ممكن مع الارتباك في
الترسيم يخطأ، وكاين الي ما يعرفش.

بالنسبة لي،أعلم أنني فعلت ذلك ربما عدة مرات في
المتوسطة او الثانوية ، و لكن لا اتذكر حاليا مواقف
كثيرة ،

طيب

اتذكر مرة انني قمت بذلك في المدرج (كوغ) في اول عام لي في الجامعة مع واحد الأستاذ بصح مانظنش سمعوني كامل لاني هدرت بشوية و كنت قاعدة في الصف الأول، و هذاك الاستاذ مابينش انو زعف خاصة و انه يعرفني، لانه كان يدرسني مام فتيدي و حفظ اسمي من اول حصة اخخخ ،
صححتلو عفسة تع مؤنث و مذكر غلط كي كتب في الطابلو (هو أستاذ الله يبارك متمكن من المادة العلمية نتاعو و كان قريب يدي الدكتوراه و لكن عندو مشكل مع المؤنث
و المذكر يغلط كي يهدر ولا كي يكتب ، مرات سهوا و مرات ينسا او لا أعلم،
المهم هو واحد من خيرةالاساتذة الذين استفدت منهم في الجامعة الله يبارك جزاه الله خيرا،

الله يبارك، نعم صح واحد كما يكون ناقس في حاجة ما يعنيش
بالضرورة انه ضعيف في كل شيء، قادر يكون متمكن من شيء
آخر، وهذا مش عيب، اما يكون متخصص في المادة نتاعو
وخطأ يكون عمدي والطلبة او التلاميذ يعرفوا، فهذا موضوع
آخر، ممكن تتدخل فيه الجوانب النفسية وغيرها من الامور.

و بالرغم انو كان يظل يهدر في البنات و مذابيه كان
الجامعة مايكونش فيها لبنات أخخخ،

و يقعدو في الدار، (من جهة كان عندو الحق لأنه كان يشوف
مواقف معينة و لكن مش لازم نعمو)، و كان يقولنا انا
بنتي ماتقراش في الجامعة غير اذا كانت ممتازة تع الصح ،
بزاف كانوا يكرهوه على هدرتو لكني لم أكن افعل فأسلوبه
في التدريس و الشرح ووو ملاح و كنت نفهم عندو) و أعتبره
استاذ رائع.

ايه تقريبا (التعميم) راهو فسد المجتمع للأسف ونظن يدخل
فيه سوء الظن، واستاذ أحمد عمارة يقول أي شيء تتلخبط
فيه فهذا يعني شيئين؛ اما نقص المعلومة أو معلومة
مغلوطة، هاذو زوج الحوايج نظن سبب خروج مثل تلك
الأفكار، وربي يصلح الأحوال ان شاء الله.

طبعا بما أنو يهدر على البنات ويعمم ما يعنيش بالضرورة
انه غير كفء ووو وهذا بشهادتك، كاين ناس لوخرين كما ما
يعجبوش موقف من شخص مثلا يعمم فيه كل شيء حتى وان كان
متمكن من شيء ما، ون الافضل نقولو ما عجبنيش موقف ما
صدر منو بصح فيه امور اخرى مليحة

اذا كملت هكا مانحبسش و دوك نشرحلكم المقياس أيضا و
راني ديجا خرجت على الموضوع(المقياس ماقلتش وشنو هو
اونكا يعرفوا الاستاذ ولا يعرفونا برك ).

شكرا

مليح لو تشرحيلنا المقياس وخاصة انه راح يكون مثل تلك
الردود في المدونة الخاصة بك في لمنتدى ما شاء الله .

رانا في عالم مفتوح قادر يعرفك كاشي واحد من المعلومات
نتاعك .. انا راني نعس روحي

بارك الله فيك أخت نادجو على تعليقك في هذا الموضوع

الله يحفظك

[سيف الدين]

المشاركة الأصلية كتبت بواسطة عنقاء

السلام عليك ولد خالتي

وعليكم السلام ورحمة الله وبركاته

اهلا بنت خالتي عنقاء

بنت خالتي كانت محقة انت تاني عندك الحق ماعليش نت صحح المعلومه والاستاذ ماشي شرط يترسم ههههههههه

مسكين راهو غاضني علبالك ومن شدة ما غاضني بقيت متذكرو لليوم

موقف محرج امممممممم
عندي مواقف ماشي موقف
المهم نحكيلكم واحد
انا كي كنت نقرا في الثانوية وبالرغم اني كنت علمية كنت مدمنة على مادة التاريخ
انا من عشاق التاريخ كنو زلائي مسمييني وزيرة الارشيف هههههههههه

صار اسمك مالا وزيرة الارشيف، الله يبارك

المهم....حنا نقراو كتبت الاستاذة تاريخ في الصبورة الغاشي كامل كتب و سكت
وانا ماحملتش خطا في حق التاريخ هههههههه
قلتلها استاذة التاريخ غالط قاتلي كيفاش غالط صحيح
انا نقول و هي تقول ....جبدنا الكتاب انا صحيحه و هي غالطه
ولاه قنعت قاتلي كتابك غلط ههههههه.....
قلتلها ماعليش درنا بحث فالانترنيت
قنعت اخيرا بلي انا اللي صحيحه و هي غالطه
مسكينة عادت كي يعود مكانش تاريخ في الكتاب
تكتبو وتقولنا تاكدو من صحة التاريخ من وزيرة الارشيف اولا ههههههههه

مسكينة تبهدلت ههه، نورمالمون ضربتي النح
وخليتيها، بصح مليح كما ما شراتهالكش في النقاط
ولا

دمتم بود

بارك لله فيك أخت عنقاء على ردك المار من هنا

الله يحفظك

[غيثاء]

السلام عليكم ورحمة الله وبركاته

و عليكم السلام و رحمة الله تعالى و بركاته

واش احوالكم ان شاء الله راكم بخير

بخير الحمد لله السؤال عنكم خاصة بعد الغياب الملحوظ في المنتدى ههه


امممم "استاذ في موقف محرج" استاذ موقف محرج

شقيقتي قاعدة تحكي على أستاذة نتاعها لما غلطت في واحد الكلمة بالفرنسية راحت قاتلها
يا استاذة راهي غالطة استاذ موقف محرج .. بصح راحت قاتلها في البيرو نتاعها مش امام التلاميذ .

هي دارت عين العقل ..هكذا جنبت نفسها و الاستاذة عناء الاحراج امام التلاميذ خاصة طوال اللسان منهم ههه
مالا

تفكرت روحي لما كنت ندرس في المتوسطة مع واحد الاستاذ نتاع الفرنسية مسكين غلط في
كلمة بالفرنسية كتبها غالطة في السبورة، هيا وانا زعما شاطر احم احم قتلو مسيو كلمة
هذيك راهي غالطة راح حكم مسحها وصححها، والمشكلة مش هنا، المشكلة في هذيك
اللحظة يترسم عندنا و3 مفتشين قاعدين من الخلف باش يقيموه استاذ موقف محرج هذيك التبهديلة استاذ موقف محرج


مسكين في العام هذاك ما ترسمش وبدل قسم آخر وترسم معاه ونجح والحمد لله استاذ موقف محرج

يااااااا حرام عليك ..مسكين وضعتو في موقف لا يحسد عليه ...لكن لا باس المهم والاهم انه كان افضل العام الذي تلاه ..و الحمد لله انو ترسم


وانتوما

وشكون خلا الاستاذ نتاعو في موقف محرج وصحح المعلومة نتاعو


اممم لا اذكر انني وضعت استاذا في موقف محرج يوما ما ههه لكن في احدى المرات انا من وضعت في الموقف المحرج ونلت علامة سيئة فوق ذلك.. ناقشت الاستاذة المحاضرة حول تمرين معين اثناء الحل و لحظي كنت ادرس عندها التيدي ايضا الحمد لله الكونترول مدارت والو لكن اجرت لنا فرضين ان صح التعبير ..الاول كان قبل اناقشها اما الثاني بعده ..عند انتهاء الوقت مرت لسحب الاوراق حملت ورقتي وورقت من بجانبي مرت للطاولة التي خلفي ثم عادت الي و قالت ..انتي قلتي تحط 00 على روحها دخت فيها قلتلها لالا و مشات و بالفعل جاءني الصفر رغم اني كنت عارفة روحي نجيب مليح قررت نروح نحكي معاها ومخلاونيش قالك ديما تستفز طلابها و حتى فالامتحان كاين لي ظلمتم فالعلامات مكنتش الضحية الوحيدة ..المم ربي يهديها


شكرا للطرح الطيب سيف ..دمت بود

[سيف الدين]

المشاركة الأصلية كتبت بواسطة غيثاء

و عليكم السلام و رحمة الله تعالى و بركاته

بخير الحمد لله السؤال عنكم خاصة بعد الغياب الملحوظ في المنتدى ههه

الحمد لله ما دمتم بخير .. نحن أيضا بخير والحمد لله، هاه غياب
اذن لست أدري متى غبت .. كل ليلة ادخل هنا تقريبا

هي دارت عين العقل ..هكذا جنبت نفسها و الاستاذة عناء الاحراج
امام التلاميذ خاصة طوال اللسان منهم ههه

الحمد لله

يااااااا حرام عليك ..مسكين وضعتو في موقف لا يحسد عليه
...لكن لا باس المهم والاهم انه كان افضل العام الذي تلاه ..و الحمد
لله انو ترسم

زعما انا في وقتها كنت نحسب روحي نقذتو ، بصح ما شكيتش
على جال خطأ هذاك ما ترسمش على جالي هههه

اممم لا اذكر انني وضعت استاذا في موقف محرج يوما ما ههه
لكن في احدى المرات انا من وضعت في الموقف المحرج ونلت
علامة سيئة فوق ذلك.. ناقشت الاستاذة المحاضرة حول تمرين
معين اثناء الحل و لحظي كنت ادرس عندها التيدي ايضا الحمد لله
الكونترول مدارت والو لكن اجرت لنا فرضين ان صح التعبير
..الاول كان قبل اناقشها اما الثاني بعده ..عند انتهاء الوقت مرت
لسحب الاوراق حملت ورقتي وورقت من بجانبي مرت للطاولة
التي خلفي ثم عادت الي و قالت ..انتي قلتي تحط 00 على روحها
دخت فيها قلتلها لالا و مشات و بالفعل جاءني الصفر رغم اني
كنت عارفة روحي نجيب مليح قررت نروح نحكي معاها
ومخلاونيش قالك ديما تستفز طلابها و حتى فالامتحان كاين لي
ظلمتم فالعلامات مكنتش الضحية الوحيدة ..المم ربي يهديها

هههه يخي استاذة يخي، انتوما راكم ناس ملاح ربي يبارك، كون
احنا عندنا يصرا المشكل هذاك تولي الجامعة مغلقة

الله يهديها وفرات وربي يقدر الخير ان شاء الله

شكرا للطرح الطيب سيف ..دمت بود

بارك الله فيك أخت غيثاء على المرور وعلى مشاركتك لنا هذا
الموضوع

الله يحفظك