اللي فات مات قالوها ناس بكري ورسخت في الراس
والنسيان رحمة من عند المولى رحمك بيها
اللي تعلق بمحنة وحس بهداك الاحساس
هداك حكايتو في التالي يسمع ويبقى يشوف فيها
انا منيش نهدر ونزيد من عندي وخلاص
مجرب بلاني ربي هو اللي يداويها
كي تعرف تتغير نظرتك على الناس
وغير المراة ما تامن نظرة عينيها
دايما حارز روحك ومنهم حاكمك الوسواس
طبيعتي نغلط غلطة ومانرجع ليها
ايلا باللسان يا بنت الناس نكتبللك كراس
لكن حكمة القلب مانبيعها مانشريها
واللي حبو ربي وعاش لباس
هدي العلاقة نكتة يضحك عليها
يقللك طلع الحيط بلا ساس
هكدا هي حياتو تشوف كي يبنيها
الغلطة في اللول الباقي كلو تفلاس
ويقللك المهم داير حاجة نشوف ليها
وبعد مدة يجرحوه لمواس
وكل ماشية تتعلق من رجليها
كلامي راه مفهوم ومقيوس بمقياس
والكلمة تعرف ماليها
كانت هدي القصيدة بعنوان **كلمة ***
بقلمي اخوكم حسام دائما
2014-07-29, 08:40 PM
كلمة ..... بقلمي حسام
المواضيع المتشابهه للموضوع: كلمة ..... بقلمي حسام
العرض العادي
