السلام عليكم و رحمة الله تعالى وبركاته
العائلة كامل راها هنا نخصكم غير انا هههههه ان شاء الله راكم كامل لباس ...توحشتكم خاوتي لعزاز
عجبني الموضوع بزاف ..شكرا على الفكرة نادجو
نبداو من عند الوالدة ...نعيطولها حوتا انا وكل خاوتي وكل اولاد الاخوال والاعمام ههههه الاسم علامة مسجلة باسمها ...غير قدام الناس احيانا نقوللها ماما بحكم انهم يستغربو الاسم واحيانا خالاتي يلوموني لانو منقولهاش ماما واحيانا توصل بيهم يقولونا حرام عليكم حارمينها من اجمل اسم ..مع انو هي كان نعيطلها ماما متردش عليا ههههه
الوالد الله يخليه ...pappa ...احيانا برك نعيطولو الشيخ او الحاج كي نحبو نقلقوه مع انو خاوتي الدراري يعيطولو دايما الشيخ هههه
الاعمام معنديش العمات وحدة نعيطلها عمييتي والاخرى باسمها بحكم انها رباتنا وكبرنا معاها ولات كي شغل اختنا ماش عمتنا ..وكاينة وحدة اخرى هي ماش عمتي حقيقية لكن بنت خالة الوالد ورباتها جداتي نقولها طاطا فلانة
الخالات ممممممم نقولهم خالتي ماعدا خالتي الصغيرة نقولها عمووتا ...رفدتها على ولاد خوالي هههههه
الاخوال نقول خالي فغيابهم برك نقول خالي فلان باش يعرفو شكون فيهم هههه
الجدود الله يرحمهم كامل كنت نقول جدي ...جدتي ام والدي كنت نقولها ما لانو كنا نرقدو عندهاو هي لي رباتنا ..اما جدتي ام الوالدة نقولها نانا
الاخوة والاخوات كل مرة كيفاش ..خطرات نعيطلهم باسماءهم خطرات اسماء دلع خطرات اسماء لا علاقة باش نقلقهم ههه
شكون مزال تاني ..اصدقائي واخوتي من المنتدى...هههه كاين ولد خالتي ..كاين ولد خالي...كاين حنوناتي بزاف كاينة وحدة مهبلتها باسم ستوتة و وحدة باسم كشرودة و القائمة طويلة خليوها مستورة خير ههههه ربي يحفظكم كامل
شكرا مرة اخرى للطرح عزيزتي نادجو ...