اقتباس: السلام عليكم وعليكم السلام ورحمة الله وبركاته اقتباس: زعما كاينة الجرأة مية بالمية أو الصراحة في هاد الموضوع في بعض الأسئلة الاعضاء راهم ماجاوش يشاركو ههههه انا الصراحة نتاعي مش مية بالمية وهذا ما يعنيش بانو الكلام الي كتبتو مش صريح وانما مش مفصل اقتباس: السلبيات كثيييييييرة جدا، كاين ناس خسرت بعد استعمالها للنت و دات ناس أخرى معاها للأسف، و راهي كوارث صرات بالنت، الله يبعدنا عليهم، و الاجابيات اكثر لمن يحسن استخدام النت و ذلك يختلف حسب الشخص. قلقة اخاااااه ياك ماشي بلعاني، و يشتمك واحد معقووووول كاين ناس تشتم فينا اخخخ (أمم بصح السؤال كان شكون كتر بالنسبة لكل واحد فيكم) من قبل كنت في العالم الافتراضي وشحال نحب المواضيع السياسية نقصد النقاشات السياسية وبصراحة من قبل كنت لما ندخل نقاش سياسي نتمسك برأيي ومستحيل نتراجع عليه وبصراحة لازم نشوف نربح في هذاك النقاش السياسي بأي طريقة .. وهاذي الطريقة لما تغلب فيها الطرف الآخر تخليه اما يشتمك شتم يجرحك واما شتم مؤدب هههه مش عارف اذا كاين في القاموس تعريف شتم مؤدب او ممكن من اختراعي احم احم نقصد شتم مؤدب مثلا انت لا تفقه شيئا هههه والشتم المجرح الله يبعدو على الجميع .. وهذا الي كان يخليني ندخل في بوابة وجع الرأس ووو اخخخخ وهذا مش يعني انني دائما ندخل في بوابة الصداع لانو احيانا يكون النقاش هادئ حسب طبيعة الطرف الآخر ونقولكم سر واحد مرة وممكن زوج مرات تسببت في مغادرة زوج أعضاء من المنتدى بسبب النقاش السياسي .. خلاص الآن بطلت ندخل في أي نقاش سياسي في العالم الافتراضي ومش متذكر حتى وكتاه آخر مرة دخلت فيها النقاش .. بالمناسبة مش ندخل نقاشات هنا في المنتدى فقط وانما في منتديات أخرى .. وبشأن النقاش حول الأوضاع الاجتماعية اذا كثرت نحط ردين فقط ونحاول نكتفي برد فقط حتى وان انتقدني أحدهم على الرد نخليه هكذاك، حتى وان كان يعتقد بأنه تغلب علي في النقاش ههههه .. لانه في السابق جامي نخسر في نقاش سياسي، وتعودت على الأمر بشوي بشوي باش نتخلص من هذيك الرغبة في الرد على المنتقدين، نخليهم هكذاك.. جاتني صعيبة مع الأول ولكن تأقلمت اذا كان النقاش يدخلني في بندول الصراع وانا سابقا كنت نحب النقاشات يعني في السابق ممكن 40/100 كانت النت بالنسبة لي سلبية لانو فيها تمنشير اقتباس: أوووك (أمم هاذي زعما ماشي كي ادارة المنتدى، تخافو كاش ما يتشجعو الأعضاء بيكم و يديرو كاش انقلاب على المنتدى المهم انا خاطيني) ايه المنصب هذا يخليك مش مرتاح تولي تخاف يروح كاشي عضو يرحل بسببك او كاشي زائر يقول شوف الادارة نتاعهم واش تكتب اخخخخ من قبل كنت نحس حر والآن مقيد اقتباس: بيت العرب ممكن نغيب عليه يوم او يومين وممكن أقصى تقدير أسبوع ولكن اكثر من ذلك مش ممكن واذا اقتضى الامر ندخل زائر لانو الامر فيه حساسية لكلمة المرور للدخول من حاسوب غير محمي يسرقوا كلمة المرور نتاعي يروح المنتدى هههه أخااه لهذه الدرجة ايه ايه ومالا اقتباس: شكرا على المشاركة في الموضوع و على الصراحة الجزئية ولا الكلية مانعرف هههه صراحة جزئية برك لانو مش راح تحكي على كلش امام العلن اخخخخ شكرا لك على تقبلك الرد