استاذ في موقف محرج
السلام عليكم ورحمة الله وبركاته واش احوالكم ان شاء الله راكم بخير :) امممم "استاذ في موقف محرج" ;blushing شقيقتي قاعدة تحكي على أستاذة نتاعها لما غلطت في واحد الكلمة بالفرنسية راحت قاتلها يا استاذة راهي غالطة :eek: .. بصح راحت قاتلها في البيرو نتاعها مش امام التلاميذ ;no . مالا تفكرت روحي لما كنت ندرس في المتوسطة مع واحد الاستاذ نتاع الفرنسية مسكين غلط في كلمة بالفرنسية كتبها غالطة في السبورة، هيا وانا زعما شاطر احم احم قتلو مسيو كلمة هذيك راهي غالطة راح حكم مسحها وصححها، والمشكلة مش هنا، المشكلة في هذيك اللحظة يترسم عندنا و3 مفتشين قاعدين من الخلف باش يقيموه :eek: هذيك التبهديلة :tears: مسكين في العام هذاك ما ترسمش وبدل قسم آخر وترسم معاه ونجح والحمد لله ;nosweat وانتوما وشكون خلا الاستاذ نتاعو في موقف محرج وصحح المعلومة نتاعو :wink: سيف ^^ |
رد: استاذ في موقف محرج
و عليكم السلام و رحمة الله و بركاته الحمد لله بخير ان شاء الله انتم ايضا أممم ممكن شقيقتك كان معها حق و ماحبتش تحرج الاستاذة . هي الأكيد مانصحولهمش باش نحرجوهم بالضرورة و انما باش الخطأ يتصحح برك ، و أيضا مرات عفويا الواحد يهدر. بالنسبة للأستاذ المسكين الي ماترسمش ، موقف محرج حقا قدام المفتشين و جل من لا يخطئ(بصح كاين الي يستاهلو لانهم ماشي كفؤ باش يقرو أجيال و انما يهردوهم برك). بالنسبة لي،أعلم أنني فعلت ذلك ربما عدة مرات في المتوسطة او الثانوية ، و لكن لا اتذكر حاليا مواقف كثيرة ، اتذكر مرة انني قمت بذلك في المدرج (كوغ) في اول عام لي في الجامعة مع واحد الأستاذ بصح مانظنش سمعوني كامل لاني هدرت بشوية و كنت قاعدة في الصف الأول، و هذاك الاستاذ مابينش انو زعف خاصة و انه يعرفني، لانه كان يدرسني مام فتيدي و حفظ اسمي من اول حصة اخخخ ، صححتلو عفسة تع مؤنث و مذكر غلط كي كتب في الطابلو (هو أستاذ الله يبارك متمكن من المادة العلمية نتاعو و كان قريب يدي الدكتوراه و لكن عندو مشكل مع المؤنث و المذكر يغلط كي يهدر ولا كي يكتب ، مرات سهوا و مرات ينسا او لا أعلم، المهم هو واحد من خيرةالاساتذة الذين استفدت منهم في الجامعة الله يبارك جزاه الله خيرا، و بالرغم انو كان يظل يهدر في البنات و مذابيه كان الجامعة مايكونش فيها لبنات أخخخ، و يقعدو في الدار، (من جهة كان عندو الحق لأنه كان يشوف مواقف معينة و لكن مش لازم نعمو)، و كان يقولنا انا بنتي ماتقراش في الجامعة غير اذا كانت ممتازة تع الصح :eek:، بزاف كانوا يكرهوه على هدرتو لكني لم أكن افعل فأسلوبه في التدريس و الشرح ووو ملاح و كنت نفهم عندو) و أعتبره استاذ رائع. اذا كملت هكا مانحبسش و دوك نشرحلكم المقياس أيضا ;nosweat و راني ديجا خرجت على الموضوع(المقياس ماقلتش وشنو هو اونكا يعرفوا الاستاذ ولا يعرفونا برك ;nosweat). شكرا |
رد: استاذ في موقف محرج
السلام عليك ولد خالتي بنت خالتي كانت محقة انت تاني عندك الحق ماعليش نت صحح المعلومه والاستاذ ماشي شرط يترسم ههههههههه موقف محرج امممممممم عندي مواقف ماشي موقف المهم نحكيلكم واحد انا كي كنت نقرا في الثانوية وبالرغم اني كنت علمية كنت مدمنة على مادة التاريخ انا من عشاق التاريخ كنو زلائي مسمييني وزيرة الارشيف هههههههههه المهم....حنا نقراو كتبت الاستاذة تاريخ في الصبورة الغاشي كامل كتب و سكت وانا ماحملتش خطا في حق التاريخ هههههههه قلتلها استاذة التاريخ غالط قاتلي كيفاش غالط صحيح انا نقول و هي تقول ....جبدنا الكتاب انا صحيحه و هي غالطه ولاه قنعت قاتلي كتابك غلط ههههههه..... قلتلها ماعليش درنا بحث فالانترنيت قنعت اخيرا بلي انا اللي صحيحه و هي غالطه مسكينة عادت كي يعود مكانش تاريخ في الكتاب تكتبو وتقولنا تاكدو من صحة التاريخ من وزيرة الارشيف اولا ههههههههه دمتم بود |
رد: استاذ في موقف محرج
اقتباس:
بارك الله فيك أخت نادجو على تعليقك في هذا الموضوع الله يحفظك |
رد: استاذ في موقف محرج
اقتباس:
بارك لله فيك أخت عنقاء على ردك المار من هنا الله يحفظك |
رد: استاذ في موقف محرج
السلام عليكم ورحمة الله وبركاته و عليكم السلام و رحمة الله تعالى و بركاته واش احوالكم ان شاء الله راكم بخير بخير الحمد لله السؤال عنكم خاصة بعد الغياب الملحوظ في المنتدى ههه امممم "استاذ في موقف محرج" استاذ موقف محرج شقيقتي قاعدة تحكي على أستاذة نتاعها لما غلطت في واحد الكلمة بالفرنسية راحت قاتلها يا استاذة راهي غالطة استاذ موقف محرج .. بصح راحت قاتلها في البيرو نتاعها مش امام التلاميذ . هي دارت عين العقل ..هكذا جنبت نفسها و الاستاذة عناء الاحراج امام التلاميذ خاصة طوال اللسان منهم ههه مالا تفكرت روحي لما كنت ندرس في المتوسطة مع واحد الاستاذ نتاع الفرنسية مسكين غلط في كلمة بالفرنسية كتبها غالطة في السبورة، هيا وانا زعما شاطر احم احم قتلو مسيو كلمة هذيك راهي غالطة راح حكم مسحها وصححها، والمشكلة مش هنا، المشكلة في هذيك اللحظة يترسم عندنا و3 مفتشين قاعدين من الخلف باش يقيموه استاذ موقف محرج هذيك التبهديلة استاذ موقف محرج مسكين في العام هذاك ما ترسمش وبدل قسم آخر وترسم معاه ونجح والحمد لله استاذ موقف محرج :eek: يااااااا حرام عليك ..مسكين وضعتو في موقف لا يحسد عليه ...لكن لا باس المهم والاهم انه كان افضل العام الذي تلاه ..و الحمد لله انو ترسم وانتوما وشكون خلا الاستاذ نتاعو في موقف محرج وصحح المعلومة نتاعو اممم لا اذكر انني وضعت استاذا في موقف محرج يوما ما ههه لكن في احدى المرات انا من وضعت في الموقف المحرج ونلت علامة سيئة فوق ذلك.. ناقشت الاستاذة المحاضرة حول تمرين معين اثناء الحل و لحظي كنت ادرس عندها التيدي ايضا الحمد لله الكونترول مدارت والو لكن اجرت لنا فرضين ان صح التعبير ..الاول كان قبل اناقشها اما الثاني بعده ..عند انتهاء الوقت مرت لسحب الاوراق حملت ورقتي وورقت من بجانبي مرت للطاولة التي خلفي ثم عادت الي و قالت ..انتي قلتي تحط 00 على روحها :eek: دخت فيها قلتلها لالا و مشات و بالفعل جاءني الصفر رغم اني كنت عارفة روحي نجيب مليح :tears: قررت نروح نحكي معاها ومخلاونيش قالك ديما تستفز طلابها و حتى فالامتحان كاين لي ظلمتم فالعلامات مكنتش الضحية الوحيدة ..المم ربي يهديها شكرا للطرح الطيب سيف ..دمت بود |
رد: استاذ في موقف محرج
اقتباس:
بارك الله فيك أخت غيثاء على المرور وعلى مشاركتك لنا هذا الموضوع الله يحفظك |
الساعة الآن 07:07 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol