|
كيف تنادون أفراد العائلة ؟؟
السلام عليكم و رحمة الله و بركاته كيف حالكم(ن)؟ ان شاء الله الكل بخير أممم خطر ببالي هذا الموضوع بعد ماشفت بعض البنات و الأولاد كيفاش ينادوا اهلهم، يماهم ، باباهم أختهم أخوهم العم،العمة الخال، الخالة،.. و كاين الي مايحبوش بعض التسميات، مثلا يحشمو يقولو ليماهم "ماما" امام الناس، أمم كاين الي مايحبش يقول "طاطا"،.. ايييه و نتوما كيفاش تعيطولهم؟ زعما تعيطولهم بسماواتهم مباشرة؟؟ |
رد: كيف تنادون أفراد العائلة ؟؟
وعليكم السلام ورحمة الله وبركاته الحمد لله احنا بخير وفي نعمة، ان شاء الله احوالك بخير أيضا ^^ احم أنا نعيط للوالدة (ماما) وكما نكون قدام انسان براني وفي بعض الحالات نقول (مّا) ;blushing الوالد نعيطلو (أبي) ههههه وقدام ناس البرانية نقول (بابا) اخخخخ زعما نحشم ;nosweat وخالاتي وعماتي كنت نعيطلهم (طاطا) وكما زعما كبرت قلت ما يصلحش نعيط (طاطا) نعيطلهم عمتي أو خالتي، والاعمام والاخوال نعيطلهم عمي وخالي شقيقاتي نعيطلهم بالاسامي ديركت واحيانا دلع :rolleyes: .. الجدة نعيطلها (نانا) والجد نعيطلو (جدي) :wink: .. وشكرآآآ على الموضوع أختي نادجو .. مُوفقة :) |
رد: كيف تنادون أفراد العائلة ؟؟
اقتباس:
الحمد لله بخير أمم زعما علاش الواحد يحشم قدام الناس يعيط بنفس الاسم الي يعيط بيه في الدار ;sadwalk بالنسبة لي ماكانتش عندي الحشمة من التسميات نهائيا من قبل، و لكن الآن أحيانا شويا امام الغرباء الرجال خاصة أخخ. والدتي اناديها دائما ماما و احيانا تسميات دلع ;in_love أما والدي فأناديه في العادة "papa"، و مرات عندما نكون في البيت فقط اناديه بوحد التسمية خاصة بي و ما نقولهاش هنا ;blushing، بصح دوكا منينداك نقول "بابا" عندما اكون أتحدث عليه امام الرجال البرانيين و شحال اجيني غريبة كي نقولها لأنني ماشي موالفتها. خالاتي نعيطلهم "خالتي"، و أخوالي نقولهم "خالي فلان" و احيانا نقول خالو، حنا العمة الي نقولولها "نانّا"، و عمومي نقولهم tonton، و نفس الشيء لأزواج خالاتي او عماتي و اشخاص آخرين ايضا، و نقول لطاطا مثلا لزوجات خوالي و غيرهن. جدتي بالعربية نقول "جداتي" بكل بساطة، و بلقبايلية نقول "حpو" (حبو)، و كاين الي يقول "يَايَا"، جدودي الرجال للأسف لم يحصل لي الشرف بأن أناديهم لأنهم جميعا ماتوا قبل ان اولد باعوام، و كي نهدر عليهم نقول "جدي" فلان. رحمهم(ن) الله جميعا. شقيقاتي بأسماواتهم مع الدلع، تقريبا اناديهم باسماء دلع اكثر من اساميهم اخخ في البيت اخترع تسميات و ألقاب جدد في العادة لأفراد عائلتي بصح برّا لالا، مليح الواحد يبدل مرة على مرة. شكرا على الاجابة أخ سيف الدين، و وفقكم الله. |
رد: كيف تنادون أفراد العائلة ؟؟
وعليكم السلام ورحمة الله وبركاته
بخير الحمد لله ، عساك بخير ايضا ما بشد الميم او بالاسم او بنت فلان او مرة فلان احيانا (احيانا ترفض سماع النداء الا اذا غيرته ههه)، وبابا وجدة وجدي ، لا أملك أي عم ، خالي للخال، عمتي للعمة ولحد الان انادي الخالات ب طاطا (طبيعة -_-) شكرا لك للطرح :) |
رد: كيف تنادون أفراد العائلة ؟؟
اقتباس:
الحمد لله بخير :) عجبتني مرة فلان، بصح باسمها :eek: ، يعني من حقها ماتسمع النداء :shutup: أمزح فقط احيانا نقوم بذلك من باب المزاح فقط. عادي طاطا واش يخصها ههه شكرا على الرد أخ الكريمkakashi_senpai |
رد: كيف تنادون أفراد العائلة ؟؟
السلام عليكم ورحمة الله
كي راكي نادجو ؟ لاباس كيفاه جا في بالك هاذ الموضوع :rolleyes: بالنسبة للوالدة نعيط " ماما" ومرات مين ذاك نقولها "الشيخة " ولا " الشيخة فلانة " بسكو هكذا معروفة برا يعيطولها ;blushing:d #### عجبتني تاع الاخ كاكاشي بنت فلان ومرت فلان ،، كش نهار تكون فرحانه نديروها :cool:بيسك لا كانت زعفانة هاالبليغة على ظهري :( ماكانش الريسك :);nosweat وبالنسبة للوالد نعيط ببا pappa هكذا وال ب اللولا فتحة خفيفة ، وخطرات نقول الشيخ فلان ( اللقب) بصح مش قدامو نقولها :) ،، ونفس الشي هاذا الاسم معروف بيه برا :) خالتي لاكان كانو قدامي نقول خالتي و فالغيب خالتي فلانة وعمومي عمي وخوالي خالي و عماتي عمتي ،، وكيفكيف فالغيب نقولو اسمو بش نحدو ( راهم بزاف الله يبارك:wink: ) ما عنديش جدودي :(،، مي كيما نهدرو عليهم نقول ننا وددا للجهتين وهاذيك طاطا نقولها لاي مرة سيرتو للجوارين وكيما تكون مرة كبيرة ما نعرفهاش نقول الحاجة :strongsad: وخوتي باسماواتهم ديراكت راهم شارفين :):p مي ولادهم لازم بالدلع سيرتو اسم الطفل نقلبو طفلة :) |
رد: كيف تنادون أفراد العائلة ؟؟
اقتباس:
و عليكم السلام و رحمة الله و بركاته أهلين كبريسة، الحمد لله راني بخير سوال عليك؟ أمم كيفاش جا؟ دوك نقولك، كنت نشوف في وحد المنتدى وحد العضوة دارت موضوع قاتلهم خطيبي عندو مشكلة مازال ماقدرتش انحيهالو و الي هي يقول طاطا بزاف، و ماشي جاية راهو كبير ووو اخخخ الشيخة=استاذة، ولا الشيخة مرأة كبيرة؟ هههه ايه لا كانت زعفانة غير اخطيك ايه ماما يقولو لجدي الله يرحمو دادا، ربي يرحم جدودك و جداتك. أواه انا مانريسكيش بزاف بالحاجة للنساء لكبار كاين الي مايحبوش اخخخ شكرا كبريسة على المشاركة. |
رد: كيف تنادون أفراد العائلة ؟؟
السلام عليكم ورحمة الله وبركــاته وخر وخر راني جيت خخخخخ ااولا ناجو توحشتك بزاف ... كي نتلا بيك نوريلك نجوم الصباح:sly: بالنسبة للموضوع اممم:smoke1: الوالد ربي يخليهولي نعيطلو "papa" ويلا ماعيطتلوش بهاد التسمية مايرجعليش خخخخ ;nosweat وكي نعيطلوا هكا قدام الناس يشوفوا فيا خزرة 'كبرتي' خخخ :shutup: بالنسبة للـوالدة نعيطلها "ماما" واحيانا اسم دلع ;blushing خاصة كي نسحق شي حاجة :d بالنسبة لـخواتاتي نعيطلهم باسمواتهم كيما يرجعوليش نقوللهم "ياو" ;flex;;flex; خخخخخ اما لخويا ندلعو قدر المستطاع لانو الاقرب عندي باضافة "لعزيز، الغالي..."ونعيطلوا باسمو كي نعيا وانا نعيط... مكاش كيفاش نقولو "ياو" يزرقني ;blow خخخخ والخالة والاخوال نعيطلهم "خالتو ، خالو ّ+اسمو" العم نناديه " دا +اسمو" --> تسمية قبايل ;icon30; الجدة والجد من جهة الماما "يايا" و "جدي" من جهة الاب الله يرحمهم للزوج شكرا على الموضوع غاليتي |
رد: كيف تنادون أفراد العائلة ؟؟
اقتباس:
الله يبارك امالا لالا هاذيك اللولا تاع الاستاذة :):wink: بلا ما توصي :( :) امين واموات المسلمين شا نقولولهم ؟ تخافي تقوليلهم طاطا فما وين يزعفو مليح ;nosweat """ سوات نديروها حاجة بيت ربي وتزعف :);blushing العفو |
رد: كيف تنادون أفراد العائلة ؟؟
اقتباس:
و عليكم السلام و رحمة الله و بركاته هههه علاش واش درت ;nosweat هكدا تغيبي علينا ماتسقسي ماتقولي راح يتوحشوني:shutup: ههه يحب هاد التسمية دونك عيطيلو بيها، ايه صح كاين الي يقولك كيفاش كبار و يعيطو هكداك اخخ خليهم يقولو. ههه ايه ماتقوليلوش ياو و الا رحتي فيها ;no. ربي يرحمهم كامل، و ربي يحفظ والدك و خوك و كل أهلك. و تزيدي تغيبي هكدا :shutup: ، اومبعد نتفاهمو :wink: شكرا لولو على المشاركة، توحشنا مشاركاتك. + مبروك التخرج و الوظيفة |
| الساعة الآن 05:20 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol