الادارات تع دزاير !!
السلام عليكم و رحمة الله و بركاته واشراكم؟ اليوم الموضوع على الادارات تع الجزائر في مختلف الاماكن، باش مانقولش كامل ، بالاك معظمكم تعامل من قبل مع الادارات و الأشخاص الي يخدمو في الادارات ، آه بلا مانقولكم ، أكيد راكم تعرفوهم كيفاش دايرين تقولشي مخيرينهم ، مرات نقول بالاك كاش مادارو كونكور تع الأسوء تعاملا في الوطن ولا الي مايحتارمش الغير قاع ، ولا بالاك أسوء الاشخاص الي مايخدموش خدمتهم :eek: أمم طبعا ماشي قاع الأشخاص الي يخدمو في الادارات ماشي ملاح ، اكيد يكونو كاينين ناس ملاح (انا مانشوفهمش بزاف :( لسوء حظي ) و لكن معروف على الكثير بلي كارثة ، و بالرغم انو صح مرات تكون الخدمة بزاف و الضغط أيضا و ربي يكون في عونهم، بصح ماشي معنتها يولي الواحد ماشي مليح مع الناس ، و ايضا أحيانا ناس ماهيش قارية و ماشي مثقفة و لا علاقة لها بالمناصب و يكونو حاكمينهم، (و من المفروض كل شخص يدي المنصب الي يناسبو و يقدر عليه باش يخدم خدمتو مليح). و الي تقتل الواحد انو هوما يغلطو بصح مايستعرفوش بالغلطة تاعهم ، بل يزيدو يرجعوك نتا الغالط عادي بكل بساطة ، و يعطوك مبررات مكاش منهم كامل ... في الحق مانحبش نكتب هذا النوع تع المواضيع بصح الواحد قلبو معمر منهم ;sadwalkو ملينا و كرهنا من هكذا اشخاص . قولولي و نتوما واش رايكم ؟ هل شفتو بزاف ناس ملاح يخدمو في الادارات ؟ فرحونا :rolleyes: و هل صراولكم مواقف مع كاش أشخاص مايتعاملوش مليح و مايخدموش خدمتهم ؟ ولا تعاملتو مع بزاف ناس ملاح ؟ و واش يقدر الواحد يدير مع الناس هادو الي مايحشموش و يعاملوا الناس بطرق سيئة :strongsad: ؟ المهم ان شاء الله في المستقبل يحكمو الادارات اشخاص قادرين يخدمو خدمتهم كيما يلزم و تكون معاملتهم مع الناس مليحة ، يا ربـــــ |
رد: الادارات تع دزاير !!
وعليكم السلام ورحمة الله وبركاته الحمد لله نحن بخير أخت نادجو، ان شاء الله احوالكم وأحوال العائلة بخير امممم الادارات وما دارت في الشعب :strongsad: هذيك المظاهر الي تطرقتي ليها أخت الكريمة هي راهي متواجدة، سواء من المعاملات او الخدمة نتاعهم الي ناقصة. أكبر (سوء) معاملة حصلت لي في الادارة هي: انا في العام الماضي لما كنت في العاصمة وتحديدا في باب الزوار باش نخرج جواز السفر نتاعي شبت في الدائرة هذيك :tears: .. رحت أول مرة للدائرة باش نشوف الملفات ووو وسقسيت على التوقيت باش نحط الملف، هيا قالك على 6 نتاع الصباح، هيا معليش، لغدوة على 6 نتاع الصباح كنت ثم لقيتهم داروا القائمة وخلصوا، قتلهم على قداه نكونوا هنا؟ قالك على الخمسة نتاع الصباح هيا معليش، زدت سقسيت لوخرين قالو بلي راهم يجيوا على الساعة نتاع 3 نتاع الصباح :eek: المهم ليوم آخر رحت انا ووليد عمي وبكرنا على 2.30 نتاع الصباح والمكان بعيد على البيت تقريبا 30 دقيقة مشيا وزايد مع الكلاب المشردة الي صادفناهم ومع الناس الي نتاع الخمر ومخبوطة مطايشة في الطريق :shutup: فوتنا ليلة الرعب هههههه. هيا المهم لحقنا على الساعة 3.00 نتاع الصباح ونلقاوا غاشي عظيم امام الدائرة ;nosweat تقول هاذي جاوا على 1 نتاع الصباح ولا واش .. المهم لقيناهم يعمروا في القائمة نتاع الاسامي باش تحكم الدالة نتاعك، المهم حكمنا الدالة نتاعنا، هيا سيدي واحنا قاعدين ثم لحتى 5 نتاع الصباح، يجي مسؤول في الدائرة هذيك ويحكم يمزق القائمة وقالك مش قانوني :icon28: مالا ناضت (حرب) كلامية بينو وبين الناس، المهم انا ناس ملاح وخاطيني ;no . هيا سما عاودنا من جديد وماركينا الاسامي نتاعنا، روحنا على كاشي 5.30 هكذاك للدار ورجعنا على 7.00 هكذاك، هيا دير لاشان ويبدا يعيط على الناس الي دفعت الملف نتاعها. المهم عيط ودرنا لاشان لحتى 11 ولا مش متذكر وصلت الدالة نتاعي باش نحط الدوسي برك، هيا شعرة عاود رجني هذاك السيد قالي الصورة مش هكذا راهي ناقصة، مزية قالو السيد الي قدامو معليش خليه برك، مبعد كما كلت قالك ارجع نهار فلاني باش تصور. المهم كما رجعت يوم فلاني مع لاشان وووو هيا في الأخير قالك سيستام حبس ههههه هيا ارجع نهار آخر، كما رجعنا يوم آخر الحمد لله صورنا ;clap. هذا كاآآآآآآآمل صرا في رمضان :eek: .. بصح معليش حصل خير ان شاء الله الي يسمع تقول هذا كاشي وين راح يروح بجواز السفر نتاعو، كما قالها واحد السيد هاذو راح يروحو للجنة هههه. المهم كما جبت جواز السفر نتاعي ما صدقتش روحي هههه المهم في أوت هكذاك تريقلت الأمور في الادارة هذيك وماولاش فيها مشكل لأنو الوالدة والوالد داروا جواز سفر نتاعهم ولكن عادي راهو مع الصباح كاشي على 9 دفعوا دوسي وصوروا في نفس ليوم ;nosweat .. المهم طفرت فيا أنا برك :( هاذي الكتيبة كنت راح نكتبها في المدونة في هذاك الوقت ومبعد قلت خلينا منهم آخخخخ المهم راني نرجع لاحقا ان شاء الله ونكمل الحكايات باش ما يبانش الرد طويل، زعما هذا ماشي رد طويل احم حم :rolleyes: ممكن تكون خلوطة شوي في الكتبة راني ما عودتش مراجعة واش كتبت ;blushing وشكرا جزيلا |
رد: الادارات تع دزاير !!
اقتباس:
أهلا بكم في كل وقت. شكرا على الرد أخ الكريم (اني غير نسنا كاش عضو ولا عضوة مايقول حتى موقف ماشي مليح و يكون مر غير بالمواقف لملاح مع الناس تع الادارات :rolleyes:). ايييه انا كان نحكيلكم نزيد عليكم برك :strongsad: (حاليا اصلا راني نعاني مع وحد الادارة ربي يهديهم ). شكرا مرة اخرى . |
رد: الادارات تع دزاير !!
السلام عليكم و رحمة الله تعالى و بركاته مساء الانوار حنونة ان شاء الله راكي بخير ..حنا بخير الحمد لله الادرات و يا الادارات ..راكي جبتيها فالصواب تقول دارولهم كونكور للاسوء فالتعامل ..ياما عانينا منهم ان شاء الله 2016 يتريقلو ويوليو ناس ملاح كامل نفس مشكل جوازات السفر هبلونا عليهم وياما جراونا باش ديناهم كيما قلتو تقول رايحين بيهم للجنة ..لكن الحمد لله مكانش هادي تع تروح تمركي على 2 ولا 3 تاع صباح هههه لكن كي تروح تما سوء المعاملة يخليك تخمم انك متخرجش جواز سفر نهائي المهم متروح ما تحكي مع هادوك الناس اللي يخدمو اذكر مرة رحت انا وصحبتي والوالدة تاعها استاذة الله يبارك لمديرية التربية والتعليم باش تدفع ملف التقاعد ..لسوء الحظ مسكينة ضيعولها ورقة بحسب ما قالت انو هاد الورقة هي الاثبات الوحيدة بلي هي خدمت كاستاذة لغة فرنسية منذ زمن طويل قبل ان تغير الى استاذة لغة عربية ايا .وهي للاسف معندهاش نسخة او دليل اخر لانو فهداك الوقت الاكاديمية معطاتلهمش وثائق ولا مجرد سجلتهم عندها ...بالتالي ضاع تعب حوالي 4 او 5 سنوات من العمل و بما اها كبيرة في السن وتعبت اضطرت انها تخرج نصف تقاعد بسبب القانون الجديد واللي يخصها 3 سنين على التقاعد ...المشكل ماش هنا ...المشكل انو الخطا تاعهم وهوما لي يضيعو الاثبات لكن ناضو فيها لي يخدمو فالمكتب كي ناقشتهم تقول راح يضربوها لا احترام لا والو مع انهم صغار فالسن وهي في مقام امهم ... حاولت تتعامل معاهم بهداوة ايا من بعد دخلت انا وصحبتي هدرنا معاهم هوما كلمة وحنا كلمة حتى جا واحد زعما من المسؤولين قالنا واش بيكم ..حكاتلو هي القصة بقا حاير لانو هد خطا ماش ساهل ...ايا تعامل معانا بضرافة ما شاء الله لكن للاسف هي ضاع تعبها على الاقل هاد العمال كي يغلطو يحاولو يتعاملو بلباقة مع الفرد حتى هو يكون مقلق يحشم من ادبهم معاه و يسكت ماش يزيدو يصبو النار على الزيت ويتوقعو من المواطن يسكت و مينفعلش معاهم شكرا للطرح نادجو لي عودة ان شاء الله ...دمت بود |
رد: الادارات تع دزاير !!
اقتباس:
أهلا بيك حبيبتي ، شكرا لك على التعليق و مشاركتنا رأيك و الموقف الي شفتيه ، ربي يبعد علينا هاذو الناس . |
رد: الادارات تع دزاير !!
السلام عليكم ورحمة الله وبركاته راني عاودت رجعت ;nosweat بشأن جوازات السفر راهي تعدلت الآن الأمور والحمد لله ورجعت كل بلدية تخدم جواز السفر مش كما قبل لما كانت الدائرة هي الي تخدم سما كل البلديات تروح للدائرة وتخدم، ونظن هذا الحل داروه من أجل البلايص الكبار، مثل العاصمة، راهو فيها غاشي كبير ربي يبارك، ممكن دائرة دار البيضاء الي هي نفسها (باب الزوار) فيها كاشي مليون ونصف نسمة، تخيلوا مثلا سكان نتاع دوائر وبلديات باتنة كامل يروحوا للولاية باش يخدموا جواز السفر :strongsad: .. مثلا باب الزوار راهو داخل فيها برج الكيفان + عين الطاية + درقانة + قهوة شرقي + طماريس،... كامل في فرد بلاصة :strongsad: انا خدمت جواز السفر هنا في المدينة نتاعنا في باتنة وعندها سنوات رحت للدائرة لقيت روحي وحدي + رحت على كاشي 11 نتاع الصباح ولا، ولا بشر غير انا برك ;nosweat المهم نكمل الحكاية .. كاين واحد المدينة لاصقة في المدينة نتاعنا ما تحسش بلي راهي مدينة منفصلة وانما وكأنها مع مدينتنا فرد وحدة سما ما تحتاج لا سيارة لا والو تروح ليها برجليك نورمال، المهم هاذي المدينة رحت ليها أنا اليوم للمركز البريد نتاعهم لأنو يعجبني كما نروح ما نلقى ولا واحد فيه ;nosweat هيا ندخل مباشرة نفري أموري ونخرج، والسبب الي خلاني نخلي المركز نتاع البريد نتاعنا هو أنو فيه غاشي بزآآآف وبالطوابير ممكن تستنى كاشي 2 سوايع باش تقضي حاجتك، ونظن كون يفيقوا بالمركز البريد المجاور وفارغ يروحوا كامل يجريوا ليه هههه وانا فقت بيه غير الشهر إلي فات ;nosweat المهم كما رحت اليوم للمركز البريد الي في المدينة المجاورة لقيتو مغلوق ;sadwalk هيا سما ما عنديش الحل بغير نروح للمركز البريدي نتاع المدينة نتاعنا، هيا لما رحت استغربت :eek: المرأة الي كانت شادة أحد الشبابيك راحت بدلت من بلاصتها وحطوها في شباك آخر، وهاذي المرأة عندها سنوات وهي شادة فرد بلاصة منين نشفى وأنا صغير وهي ثم :strongsad: . المهم المرأة هذيك الي تبدلت البلاصة نتاعها واحد المرة وما عندهاش بزاف رحت زعما درت لاشان باش ندفع النقود هيا وانا واقف كاشي واحد ساعة ولا ومبعد قالك هيا راح نسكرو والوقت مازال باقي كاشي 15 دقيقة والعشية ما يخدموش (يوم الخميس) سما لازم نستنى لحتى يوم السبت هيا رحت نهار السبت دير لاشان واحدة ساعة هكذاك او اقل او أكثر المهم مبعد قالتلي بلي الريزو ماكانش وقالتلها بواحد نبرة نتاع التكبر :shutup: هيا سما ارجع مع المساء، والحاجة الي قلقاتني اكثر أنو وعدت واحد الانسان باش نبعثلو النقود يوم الخميس واعتذرت منو وقتلو يوم صباح ومبعد زدت اعتذرت، وانا ما نحبش لما ما نكونش عند هدرتي. والمهم وانا راجع من الدار ومحبط وقاعد راسم هذيك السيناريوهات كامل في عقلي ومبعد انتبهت وقلت هاه يا سيف يخي أنت راك قادر تغير الوضع نتاعك والي يحصلك أنت السبب فيه، هيا حكمت قاعد نرسم سيناريو مليح وجميل السيدة هذيك تعامل بمعاملة مليحة ومحترمة وتبتس وانا مش مقلق وفريت أموري ووو .. لهم لما رجعت مع العشية تغيرت المعاملة نتاعها :rolleyes: هيا قاعدة تبتسم وزادت قالت هاك اقرالي هاذي وسمحلنا وووو :cool: هيا لما فريت أموري انا عشيت فرحان هههه، المهم من ذاك وليت نروح لمركز البريد الآخر لأنو الغاشي ماكانش فيه بزاف، ولكن الي تغير اليوم في المركز نتاع البريد نتاعنا السيدة هذيك بدلولها البلاصة وزايد جابو جهاز جديد سما كما تجي تدفع الصوارد تشدهم عليك وتعطيلك الوصل مباشرة ماشي كما قبل لما كانو لازم تدير لاشان باش تدفع وتزيد تستنى مدة باش يعيطو عليك ويمدولك الوصل وهاذي العملية سما يقومو بيها زوج أشخاص سيدة تشد عليك الماندا وتروح لسيد آخر وتمدهملمو وهو يقوم بالعملية إلكترونيا ومبعد يجي يجيبلها هذاك الوصل وهي تمدو اخخخخ هاذي العملية كاشي كانو يقومو بيها عقود من الزمن ههه الحمد لله تغيرت الأمور وانا في الشهر الماضي برك قلت للوالد علاه هذوك ما يشريوش جهاز وتخدم بيه نفس السيدة في نفس الوقت وتوزع المهام على أشخاص آخرين باش ما كونش الغاشي بزاف .. واذا به الأمور تغيرت هذه الأيام والحمد لله :rolleyes: راني نكتب بزاف، ما كنتش عارف بلي راح نكتب هكذا، ظاهرة ما نزيدش نكتب ;blushing يخي ما كانش برك الخلوطة والافكار متسلسلة :strongsad: المهم بقى جزء صغير اذا ما يوليش كبير ;blushing نكملو لاحقا ان شاء الله وشكرا جزيلا |
رد: الادارات تع دزاير !!
اقتباس:
شكرا على مشاركتنا المواقف اخ الكريم بانتظار عودتكم ، دمتم بخير |
رد: الادارات تع دزاير !!
السلام عليكم ختيتي واش حوالك ان شاء الله تكونو بخير راكي جبتي موضوع فالصميم كيما يقولو خربشتيلي ليسونتيمو بهذا الموضوع ههههههههه المهم الادارة في الجزائر كيما قلتي يديرو كونكور تاع اسوء تعامل مع المواطن انا ناكدها من هذا المنبر منبر بيت العرب نصهم لكبير تاع الادارة ما يحتارموش المواطن و المندبه لكبيرة حاكمين مناصب ماشي تاعهم ماشي قاريين خلاص تروح تخرج وثيقة يمدلك وثيقة خلاف كي والو اخكتم عنقاء ماتحملش عاملي الادارة ثم ثم تشعل خاصة اذا كشما قالولي ماكانش و لا غدوه ولي نهبل قلبي يحبس الكلمة اللي يقولوهالي نفهمها مقلبه ههههههههه الله غالب انا وحده مانحملش لاشان و مانستناش اللي يتمسخرو بيا ههههههههه صرالي موقف في مقر الدائرة نحكيهلكم و ماتضحكوش بزاف هههههههه درنا ملف جواز سفر ولا بطاقة تعريف مخلطه الدعوه طلبو فيه شهادة ميلاد بيومترية ماعليش دفعنها ومن بعد قالونا ارواحوا اديو شهادة لميلاد بيومترية و خبيوها عندكم هههههه درنا طلب باش نجبدوها من الدائرة وافقونا عليه رحنا نجيبوها و هنا الكارثة جاتكم داخله الله الله الورقة في يدي بنت الوالي واحد مايحكي معايا ههههههه ان لحت الخطو الاولى حكمني واحد من الخلف بدا هاي نت وين رايحه ماشفتنيش وانا واش قاعد ندير هنا..... قتلو وشبيك ...شكون نت حتى تحكمني قالي انا لازم تدي الاذن من عندي باش تدخلي انا مت قلت هذا بلاك المير ....درت ليه ....و هو حارس حاطينو زياده توال الباب ونعرفو مايخدم ماوالو عندو المعريفة دارولو بيرو فالدائرة المهم قتلو راهو عندي اذن دخول باش ندخل نجيب شهادتي بدا ياكل في بعضاه و قالي انا عساس هنا ...مافقتش لروحي قتلو او نت حاسب روحك لمير و لا واش دخلت و خليتي كي خرجت القيتو هو مزال واقف في بلاصتو من الصدمة ههههه وانا جيت روحت ههههههههههههههه و حاجه بيناتنا مكانش قد اللي عندو معرفه في الادارة هههههههههه انا جارنا يخدم فالبلدية......روح دقيقة نفري اموري و نجي نروح.... ومن اني كريمة كي عود الغاشي بزاف مانفوتش قبلهم....نقولو من بعد كي تروح جيبلي هاذ الوثائق ههههههههه ولد خالتي واش هذا جواز السفر تاع 3 صباحا...هذا يا تروح بيه للجنة ياجواز سفر دبلوماسي ههههههه دمتم بود لي عوده ان شاء الله |
رد: الادارات تع دزاير !!
اقتباس:
شكرا لك على التعليق و الموقف عنقاء ، ننتظر عودتك ان شاء الله و اهلا و سهلا بك في كل وقت. و دمت بألف خير. |
رد: الادارات تع دزاير !!
السلام عليكم ورحمة الله وبركاته رجعنا مرة أخرى ;fruits_cherry; تطرقت لزوج نماذج الي حصلت معي وهي إلي مرتبطة بالطوابير الطويلة والسبب إلي يوقف وراها كما تم التطرق إليها في الردود على هذا الموضوع أنه (سوء التسيير) هذا من جانب ونلقاو في جانب آخر أيضا وكما تم التطرق إليه في الردود أيضا (سوء المعاملة) لأنه حتى وان كان فيه التسيير مليح من الادارة ممكن كاشي موظف يفسد الامور بالعقلية نتاعو وبالخدمة الي ما تخدمش مليح. فيه موضوع آخر الي هو بالمعريفة تفري شغالاتك، انا في المركز البريد نتاعنا نعرف فيه شخص يقضيلي أموري ولكن فضلت أنني ما نزيدش نروح ليه، لأنو الغاضي يغيضني كما هو يقعد في طابور طويل والوقت نتاعو الي يضيعو فيه، وليت ما ندرهاش، المهم نكون كما الشعب، إلا اذا كنت مضطر بزاف ونستخدمة المعريفة ;blushing، كما واحد المرة عندها كاشي خمس سنوات، شفتو السيدة هذيك نتاعك المركز البريدي الي حكيتلكم عليها وبدلولها البلاصة؟ هذيك كما كنت راح نخدم الشاك نتاعي أول مرة ضلت تمشي فيا ساعات نروح ليها صباح تقولي ارجع عشية وكما نروح عشية تقولي استنى شوي ومبعد كما نستنى شوي تقولي ارجع السمانة الجاية وهكذا :strongsad: المهم بقيت على هذه الحالة لما شافني صديق الوالد تقلق وحكم عطالي الشاك نتاعي لأنه كان محطوط فقط في الدرج :tears: والسبب الي خلاها ما تعطيليش ثم ثم هو أنه كان فيه شخص عندو نفس الاسم واللقب نتاعي لذلك تعرقلت الأمور، ولكن مش عارف كيفاه صديق الوالد حل هذه المشكلة، والي عجبني لما هي تهدر معاه وتقولو راهو فيه خطأ ووو وهو ما يجاوبهاش وما ردش عليها وخلاها هكذاك، برّد قلبي شح فيها ;nosweat .. تعبت ممكن أشهر وانا ضال جاي ورايح بدون نتيجة :icon28: ان شاء الله برك ما يكونوش بدلوها مؤقتا، نقصد السيدة هذيك :p كما شفنا الامور إلي تعدلت في الدائرة من دوائر العاصمة بعد المعاناة وبعد ما شفناه في المركز لبريد نتاعنا الي شراوا جهاز وتطورنا شوي والحمد لله، ممكن يكون فيه تحسن ملحوظ على مستوى الادارات وان شاء الله يكون فيه تحسن ملحوظ أيضا في المعاملات نتاع الموظفين، الي لازم تكون فيه معاملة لائقة وابتسامة في وجه الزبون،.. وشكرا جزيلا :) |
الساعة الآن 12:18 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol