|
شكون يقدر يجاوب بكل صراحة؟؟
أممم واش رايكم نقرعجو شويا، زعما عندكم الجرأة باش تشاركو في الموضوع :rolleyes: كيفاش كانت حياتكم قبل الأنترنت و الإبحار في العالم الافتراضي؟؟ كيفاش كانت ردة فعلكم في الايام الأولى و العام الأول الي دخلتو فيه الانترنت؟ كيف هي حياتكم دوكا مع مرور أعوام و نتوما تستعملوا الانترنت؟ هل تشوفو في استخدامكم للانترنت ايجابيات أكثر من السلبيات ولا العكس؟ واشنو هي الحاجة ولا لعفايس الي درتوهم ملي دخلتو الانترنت للدار و ندمتوا عليهم و تمنيتوا كان مادرتوهمش؟ امم بما ان بيت العرب الجزائري داخل في الانترت، فهل في يوم من الايام ندمتوا لانكم سجلتم في المنتدى؟ او لانكم تعرفتو على اشخاص هنا في يوم من الأيام؟ او لانكم كتبتم ردا معينا،.. كيفاش تشوفوا استخدامكم للأنترنت من دون الدخول للمنتدى؟ هل يمكن ان تتوقفوا عن استخدام الانترنت في يوم من الأيام؟ اليكم الخط |
رد: شكون يقدر يجاوب بكل صراحة؟؟
اقتباس:
ههه لالا مكانش الجرأة ;blushing اقتباس:
اممم الحياة قبل وبعد أكيد الأمر راح يكون مختلف لأنو الكرة الأرضية كلها مجموعة في الانترنت واش يجي في بالك ابحث عليه، ثقافيا،دينيا، سياسيا،.. انا شخصيا حياتي في النت اختلفت هههه منها تتعرف على معلومات تغير شخصيتك، منها تتعرف على ناس يرجعو أعز أصدقاء نتاعك ومنها تتعرف على فرص العمل، منعرف تتعرف على الأراء المختلفة بين العلماء المسلمين،.. اقتباس:
هههه هذاك الاحساس تحس وكأنو العالم كلو اصبح داخل بيتك ولكن الشيء الاجمل عالم المنتديات من بينها بيت العرب، الايام الجميلة نتاعو ;nosweat اقتباس:
خلاص ذرك تحس النت راهي جزء منك ومش ممكن تصور حياتك بدونها هههه، طبعا انا مختلف الآن عن نسختي القديمة قبل عام 2008 من جميع النواحي ;blushing اقتباس:
امممم واش هي السلبيات مثلا؟ ممكن مع النت ما تحسش بانقضاء الوقت وممكن بالنت كاشي ما تدير قلقلة لكاشي واحد هههه وممكن في النت كاشي ما يشتمك كاشي واحد وممكن في النت كاشي ما تقرا اخبار او مواضيع سلبية تلخبط حياتك اخخخخ اممم ولكن الواحد يتعلم عدم التأثر بتلك الأمور .. والحمد لله الايجابيات، مثل الاطلاع والتعلم وو اقتباس:
وممكن عالم النت يعطيك دروس في الحياة أكثر منها في ارض الواقع. اقتباس:
ههه ايه نكتبو ردود ونديرو القلقة ممكن لصاحب الموصوع أو من يرد على الموضوع او ممكن في الرسائل اخخخ ولكن رانا نتعلمو ونعتذرو وهكذا، بشأن الندم لانو سجلنا في المنتدى لالا نهائيا، كون ندمنا كون ما راناش هنا الآن. اقتباس:
ذلك مش ممكن واذا اقتضى الامر ندخل زائر لانو الامر فيه حساسية لكلمة المرور للدخول من حاسوب غير محمي يسرقوا كلمة المرور نتاعي يروح المنتدى هههه اقتباس:
وصلت لدرجة أنو فيه ناس تسترزق منها شكرا على الموضوع |
رد: شكون يقدر يجاوب بكل صراحة؟؟
السلام عليكم اقتباس:
ايييه ماشكيتش الناس الي تستعمل النت يوميا تقدر تتخلى عليه راهو اساسي و نسحقوه في كل شيء تقريبا شكرا على المشاركة في الموضوع و على الصراحة الجزئية ولا الكلية مانعرف :shutup: |
رد: شكون يقدر يجاوب بكل صراحة؟؟
اقتباس:
اقتباس:
مش صريح وانما مش مفصل ;blushing اقتباس:
من قبل كنت في العالم الافتراضي وشحال نحب المواضيع السياسية نقصد النقاشات السياسية وبصراحة من قبل كنت لما ندخل نقاش سياسي نتمسك برأيي ومستحيل نتراجع عليه وبصراحة لازم نشوف نربح في هذاك النقاش السياسي بأي طريقة ;blushing .. وهاذي الطريقة لما تغلب فيها الطرف الآخر تخليه اما يشتمك شتم يجرحك واما شتم مؤدب هههه مش عارف اذا كاين في القاموس تعريف شتم مؤدب او ممكن من اختراعي احم احم نقصد شتم مؤدب مثلا انت لا تفقه شيئا هههه والشتم المجرح الله يبعدو على الجميع .. وهذا الي كان يخليني ندخل في بوابة وجع الرأس ووو اخخخخ وهذا مش يعني انني دائما ندخل في بوابة الصداع لانو احيانا يكون النقاش هادئ حسب طبيعة الطرف الآخر ونقولكم سر واحد مرة وممكن زوج مرات تسببت في مغادرة زوج أعضاء من المنتدى بسبب النقاش السياسي :tears: .. خلاص الآن بطلت ندخل في أي نقاش سياسي في العالم الافتراضي ومش متذكر حتى وكتاه آخر مرة دخلت فيها النقاش .. بالمناسبة مش ندخل نقاشات هنا في المنتدى فقط وانما في منتديات أخرى :strongsad: .. وبشأن النقاش حول الأوضاع الاجتماعية اذا كثرت نحط ردين فقط ونحاول نكتفي برد فقط حتى وان انتقدني أحدهم على الرد نخليه هكذاك، حتى وان كان يعتقد بأنه تغلب علي في النقاش ههههه .. لانه في السابق جامي نخسر في نقاش سياسي، وتعودت على الأمر بشوي بشوي باش نتخلص من هذيك الرغبة في الرد على المنتقدين، نخليهم هكذاك.. جاتني صعيبة مع الأول ولكن تأقلمت ;nosweat اذا كان النقاش يدخلني في بندول الصراع وانا سابقا كنت نحب النقاشات يعني في السابق ممكن 40/100 كانت النت بالنسبة لي سلبية لانو فيها تمنشير :tears: اقتباس:
زائر يقول شوف الادارة نتاعهم واش تكتب اخخخخ من قبل كنت نحس حر والآن مقيد :tears: اقتباس:
اقتباس:
شكرا لك على تقبلك الرد |
رد: شكون يقدر يجاوب بكل صراحة؟؟
اقتباس:
ايه واضح أنه مانقولوش كل شيء في المواضيع كيما هادي شكرا على العودة الى الموضوع |
رد: شكون يقدر يجاوب بكل صراحة؟؟
السلام عليكم و رحمة الله تعالى و بركاته مساء الانوار عزيزتي...كيف احوالك...بخير الحمد لله ...الله يديمها نعمة....رانيع ارفة الجواب منحبش نتعبك فالرد ههه اقتباس:
كملت ...ونرجعلك الخط هههه شكرا على الطرح الطيب...دمت بود عزيزتي.....مع انو مزال في انتظار اجوبتك ....راكي غير مستثنات من الاجابة هههههه |
رد: شكون يقدر يجاوب بكل صراحة؟؟
اقتباس:
و عليكم السلام و رحمة الله و بركاته مساء الانوار عزيزتي...كيف احوالك...بخير الحمد لله ...الله يديمها نعمة....رانيع ارفة الجواب منحبش نتعبك فالرد ههه ههه راكي جاوبتي يعطيك الصحةو حتى انا عندي الاجابة بلا مانسقسي كملت ...ونرجعلك الخط هههه شكرا شكرا على الطرح الطيب...دمت بود عزيزتي.....مع انو مزال في انتظار اجوبتك ....راكي غير مستثنات من الاجابة هههههه هههه ايه ان شاء الله (قتلك المرة الي فاتت انا عندي جوكر ;nosweat) و لكن ربما ان شاء الله ايييه صحبما اننا اطلعنا على الموضوع وبدينا فكتابة الرد اكيد رانا عندنا جراة ..بصح درجتها منقولولكش هههه ههه درجتها حسب الاجابة تبان نوعا ما ;nosweat لكن طبعا كل شخص ادرى بنفسه حسنا حياتنا قبل الانترنت .. مممم...مختلفة كليا .. كانت عندنا اساليب وطرق مختلفة عادات مختلفة ..حتى اوقاتنا كانت مختلفة ههه ..لعب الابحار فالعالم الافتراضي دور كبير في تغييرنا وبالتالي تغيير حياتنا لم اكن من المتحمسين كثيرا ...ربما للمنتديات اجل كنت اقبل عليها اقبالا شديدا خاصة ان الدوافع الاولى لي كانت تعليمية بحته ... غير ذلك لم اكن مهتمة كثيرا .. بحكم ان النت كانت تبدو كشيء دخيل غير مفهوم كليا ...كبحر بدون شط ههههه اها اذا لم تكوني متحمسة، فكرتيني في ايام الشهادة كنت وين نشوف موضوع تع قراية ندخل فيه ولا نشارك فيه (هادي فلبيام)، أذكر انني كنت نطلع فليسوجي بالعشرات في كل مرة و الحوليات نطلع و نامبريمي ديراكت وخذتهم في لونكخ ;blushing نامبريمي بالباكيات ماشي قال واحد ولا زوج سورتو تع المات و بيناتنا ماكنتش نحلهم كامل غير البعض لأنو بزاف ;nosweat (وهادي فلباك) بالرغم أنو كانو تقريبا يجيبولي باكي فليسي من فترة لفترة تع ليسوجي ولا دروس باطل (واحد الطفل الله يذكرو بالخير كان يجيب لصحبتي ... و كي تضل معايا مانبعدوش على بعضانا يحشم يعطيلها ليها برك ايا مسكين يجيبلي مام انا اخخخ مافهمتش لدوك كيفاش مكانو يقولولو واش راك ادير بالورق و لونكخ ووو لانو باينة حايدير مام لروحو و زيد باكي لصحبتي و باكي ليا :rolleyes: المهم اذا شاف هاد الموضوع يعطيك الصحة و سمحلنا لأنو و شحال من مرة نعطولو الدراهم مايحكمهمش :strongsad: و مايحبش يرجعهم) اوووهوووووو ....حسنا الان لو يقولولي النت ..اجيب عييت نفهم كيفاش كنت عايشة بكري بلا انترنت ...سبحان الله ..اصبحت جزء لا يتجزء من حياتي وشيء يصعب الاستغناء عنه...خصوصا وان الانترنت بمثابة نافذة على العالم تقرب منك كل شيء اييه شفتي، بصح بيناتنا كاين وين كنا خير و لكن لا يمكن الاستغناء عليه الآن لانه مصدر المعلومات و الأخبار ووو اكيد ايجابيات اكثر و الحمد لله ..الانترنت بمثابة الداعم والمحرك لنا في كثير من الامور دراسية حياتية حتى منزلية ..مع انه لا يمكن انكار بعض سلبياتها ايه مممممم بعض الافكار المجنونة ....ليس الا :rolleyes::rolleyes: أمم كيما واش زعما :shutup: مستحيل......الندم غير موجود في القائمة وعلى وجه الخصوص فيما يخص بيت العرب هههه ايا مليح مم حسنا فيما يخص الاشخاص ....لن نقول ندم ..فهو في المجمل تجربة او ربما درس ...اينما وجدنا قد نصادف الجيد والسيء وبيت العرب ليس في دائرة الاستثناء..هو بمثابة حياة اخرى ..تعرفت فيه على اشخاص كثر اغلبهم ما شاء الله ..وقلة قليلة لن اقول ندمت وانما خابت بهم الضنون ليس الا اييه في النت تخيب الظنون بالكثير من الأشخاص سواء تع العالم الافتراضي و لا تع الواقع يُكشف الكثير على حقيقتهم مكاش استعمال للنت من دون التعريج على بيتنا هذا ولو في هيئة زائرة ....المهم طلة سريعة على احواله وجديده أمم راكي طولي بزاف الطلات كعضوة كيما نحبو نشوفوك، ماشي كزائرة :strongsad: ممم حاليا هذا الخيار غير وارد هههههه ..الانترنت اصبحت ضرورة من ضروريات العصر أكيد مانقدروش مانستعملوهاش لأننا في حاجة اليها شكرا غيثاء على المرور الطيب و الصراحة الي ماهيش كبيرة ;nosweat |
رد: شكون يقدر يجاوب بكل صراحة؟؟
السلام عليكم و رحمة الله و بركاته احوالك اختي ناجو ؟ ان شاء الله بخير اقتباس:
كلش يمشي بيها،ماتقدريش ما تستحدميهاش شكرا على التقرعيجة ناجو ضروك دورنا نقرعجو عليك،هيا جاوبينا نتي دوك على اسئلتك مع السلامة |
رد: شكون يقدر يجاوب بكل صراحة؟؟
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
ولا شكر على واجب ...الموضوع موضوعي ....على وزن البيت بيتي هههه ..دمت بود ولي عودة ان شاء الله |
رد: شكون يقدر يجاوب بكل صراحة؟؟
اقتباس:
اقتباس:
تحبسي ماتستخدميهاش تولي تحسي راكي رجعتي للعصر الحجري، راهي ضرورية في حياتنا شكرا على التقرعيجة ناجو بلا مزية و لو ههه ضروك دورنا نقرعجو عليك،هيا جاوبينا نتي دوك على اسئلتك يبدو ان حزب غيثاء راهو فعّال :shutup: ان شاء الله أختي مركي سأفعل مع السلامة [/QUOTE] شكرا مركي على المشاركة مانيش عارفة علاش بصح حسيت ردك كان صريح أكثر من البقية :shutup: في أمان الله |
| الساعة الآن 12:53 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol