واش تديرولو كهدية؟
السلام عليكم و رحمة الله و بركاته كيف حالكم(ن) ؟ ;bye1 موضوع اليوم عبارة عن أفكار للي عندو لمختلف الأشخاص و الأعمار ، و لكن خاصة للرجال (النساء نقدرو نديرولهم شحال من حاجة ربما أكثر من الرجال ;nosweat ) ، واش تقدرو ديرو هدية خاصة لرجل -الوالد- ؟ يعني ماشي لبسة و ماشي عطور وو و انما كاش فكرة أخرى اذا عندكم ؟ نادجو |
رد: واش تديرولو كهدية؟
وعليكم السلام ورحمة الله وبركاته الحمد لله نحن بخير ان شاء لله تكونو انتم بخير اممم بشأن السؤال نظن راهو صعب شوي وخاصة ان تعلق الأمر بالرجل ;nosweat لأنو مثلا كل رجل واهتمام نتاعو، ممكن يكون القاسم المشترك بين جميع الرجال هو هدية عبارة عن لباس مثلا، اما دون ذلك فكل واحد وكيفاه، ومن وجهة نظري اذا حبينا نعرفو الهدية المناسبة للطرف الآخر نشوفو واش هو مجال اهتمامه او الشيء المحبب إليه، كاين إلي يحب مثلا الكتب ولما يهديه شخص ما هدية عبارة عن كتاب راح يفرح بزآآآف، وكاين الي يحب الأجهزة الإلكترونية، وكاين إلي يحب القطع الأثرية، وكاين إلي يحب الأشياء المتعلقة بالرياضة، كاين إلي يحب الأمور المتعلقة بالاجهزة الكهرومنزلية،... ان شاء الله نكونو أفدناك أخت الكريمة .. الله يحفظك |
رد: واش تديرولو كهدية؟
اقتباس:
الحمد لله بخير أه أوك فهمت ، و يبدو أن الأمر صعب حقا عندما يتعلق الأمر بالرجل و ليس المرأة، بصح و اذا كان يهتم قاع بهادو ;nosweat شكرا على الرد أخ الكريم ، بارك الله فيك |
رد: واش تديرولو كهدية؟
اقتباس:
اذا كان الأمر متعلق بكاآآمل هذوك امممم هاذي يسمى راهي ورطة ;nosweat ممكن مثلا نطرحو عليه سؤال: كاين واحد ابن علبالك واش دار يا بابا؟ اهدى لأبوه هديه، واحد هديه اييييه واش نقولك!! واش هي في رأيك؟ ومبعد يقولك الهدية الي يتوقعها ونقولولو: إييييييييه هذيك هي بالضبط ;blushing هذاك إلي بالأحمر كلام نقولوه للوالد ونشوفو ردة فعلو، والهدية الي يتوقعها هي إلي يتمناها ليه، هذا من وجهة نظري ههه، الله اعلم اذا راح تنجح أو لا ان شاء الله يفيدك باقي الأعضاء بالتوفيق وتقبلي مروري ثانية من هذا الموضوع |
رد: واش تديرولو كهدية؟
اقتباس:
اييه ورطة كيما قلت لأن اهتماماته كثيرة ، أمممم هي الفكرة مليحة و لكن مع والدي ماشكيتش تنفع :rolleyes: ، و أيضا تروح المفاجأة هكداك يفيق مباشرة ;nosweat . ننتظر بقية الاعضاء ان شاء الله ، و أهلا بكم دائما . و شكرا على الرد مرة اخرى . |
رد: واش تديرولو كهدية؟
اقتباس:
مفاجأة بأتم معنى الكلمة أو لا .. هو لكل شخص او لنقل البعض مش عارف اذا كامل ههه انهم كانت عندهم رغبة في شراء شيء ما وما شراوهش او انهم كانو ناويين يشريوا شيء ما وكان عجبهم وما شراوهش نظن ممكن الأمر يكون مناسب اذا شرينالهم شيء يكون قريب من الشيء إلي كانوا حابين يشريوه، مثلا أنا علبالي واش الوالدة راهي تحب والوالد واش يحب فقط من الأمور إلي يتحدثوا عليها دائما او ناويين يشريوها. وطريقة أخرى باش نعرفو الاهتمام الكبير نتاع الطرف الآخر وين منصب، نشوفو على واش يتحدث دائما، او التركيز نتاعو وين منصب، او واش يحب هو يهدي الآخرين، او الأطراف الآخرين واش يهديولو وواش هي ردة الفعل نتاعو. كثرنا عليكم ;blushing ان شاء الله نشوفو أفكار نتاع الأعضاء، وفكرة مليحة لما الواحد يهدي أعز الاشخاص إليه هديه، وممكن كاشي عضو أو زائر يمر من هنا وتعجبو الفكرة ويطبقها ويدخل الفرح والسرور في قلب والديه :rolleyes: في ميزان حسناتك ان شاء الله. وشكرا |
رد: واش تديرولو كهدية؟
اقتباس:
الشكر يعود اليكم على الردود و الأفكار ، و اذا كاش ماحبيتو تزيدو فكرة معليش ;nosweat، و ربي يحفظ والدتك و والدك. جزاكم الله خيرا |
رد: واش تديرولو كهدية؟
السلام عليكم و رحمة الله تعالى و بركاته فكرة جميلة ان تهدي شخصا مقربا شيء ما والاجمل ان يحب الهدية او يستعملها ... رايي من رايكم . ..الاخذ بعين الاعتبار ما يركز عليه الشخص في حديثه او ميولاته اليومية يعطي فكرة اوضح عن الهدية الانسب له .... |
رد: واش تديرولو كهدية؟
وعليكم السلام ورحمة الله وبركاته همممم الامر صعيب شوية ^^" و خاصة اذا كان الوالد عنده بزاف اهتمامات مش اهتمام واحد برك تحيري واش تهديه . انا والدي يحب كتب التاريخ و الاشعار الثورية ، اهديته مرة كتاب إلياذة الجزائر و فرح بيه بزاف ممباعد اكتشفت انه هو عنده اصلا نسخة قديمة من الكتاب :"| ، لكن بالرغم من ذلك كان فرحان بيه ، يعني ربما ماذا تكون الهدية لايهمهم بقدر انه يهمهم انه حنا تفكرناهم و جبنالهم هدية و فرحناهم بيها >> مجرد تفكير :") ... اممممم كأفكار مثلا نقدرو نهدوه هدية تكون من نوع خاص فيها لمسة منا مثلا ربما رسمة او خاطرة تعبر عن مدى حبنا وتقديرنا ليه ، او شيء قد يرغب فيه لكن ماقدرش يشريه ربما ساعة مميزة ، هاتف ، لوحة ذكية ، كاميرا ... و اذا كان من النوع يلي يحب يقرا فالكتب رح تكون افضل هدية بالنسبة ليه ، وهناك هدية اكبر و حتما ستسعده سعادة كبيرة امم ربما هي مكلفة لكن الفرحة رح تكون كبيرة حقا و هي اهداءه رحلة عمرة الى بيت الله =) اممم هذا واش عندي من افكار ، شكرا على الموضوع و تقبلي مروري =) |
رد: واش تديرولو كهدية؟
انا من وجهة نظري لرجال الاكثرية يحبو الساعات يعني اهديه ساعة شابة
ولا اذا كان سبورتيف اهديه بالو هههههه ولا اهديه كاش قطعة اثرية اذا كان يحب التاريخ بزاف تقبلي مروري |
الساعة الآن 06:15 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol