|
الأوقات الي تفضلوها في الزيارات
السلام عليكم ورحمة الله وبركاته أهلا بيك يا أعضاء نتاع بيت العرب الجزائري .. ان شاء الله أحوالكم بخير وأموركم على ما يرام :) في المجتمع نتاعنا ومع الزيارات سواء نتاع الأقارب أو الأصدقاء،.. تختلف الأوقات نتاع الزيارات، كاين إلي يزورك مثلا على الساعة نتاع 9 صباحا او 10 وحتى 11 وانت راح تفهمها بلي هذا جا يتغدى وخاصة أنك ما عرضتوش ;nosweat .. وممكن يفسد البرنامج نتاع سيدة المنزل طبعا راح تعد الغداء إذا ماكانش الي يعاونها والفترة الصباحية في الغالب كل البيوت تقريبا يديروا الميناج للبيت. ووممكن يجيك ضيف ما بعد الظهر وانت تقول هذا جا يفسد علي القيلولة (للناس الي تحب القيلولة) وكاين إلي يجيك ما بعد العصر كاين الي يقول الزيارات نتاع العصر مش مليحة، وكاين الي يجيك بعد المغرب تفهم هذا بلي جا يتعشى مع أنو ما عرضتوش ههه .. وكاين الي يجيك بعد صلاة العشاء تقول هذا جا يبات عندي :strongsad: . واش هي الأوقات المفضلة عندكم في حالة راح تديروا زيارة لشخص مين،.. ؟! وواش هو الوقت المفضل عندكم في حالة زاركم أحد ما ؟! وشكرا :) |
رد: الأوقات الي تفضلوها في الزيارات
اقتباس:
بصراحة تلفتلي شويا من الموضوع وقتاش لازم يجيو ،ولا يروح الواحد عند الناس ، هكذا مايجوش قاع واقيلا :eek:. كيمايكونش الانسان مشغول، فالوقت الي جاو فيه مرحبا بيهم ، تع قبل الغداءالمشكل اذا مكاش في البيت ما يناسب اكرام الضيف خاصة اذا مكاش أفراد البيت ، يعني مانخرجوش و نخلو الضيف وحده ، أو أن الوقت لا يكفي كثيرا لتحضير ما يجب ، بعد المغرب او العشاء نفس الشيء تقريبا ، بعد الظهر اذا لا يزعج أي فرد من العائلة اذا كانو يحبون القيلولة فمامن مشكلة ، و بعد العصر أيضا. بالنسبة لنا لا نقوم بالزيارات كثيرا، خاصة هنا ، و احيانا بعد الظهر بشويا ، أو العصر كي يكون ياذن شويا بكري، بعد أن نستأذن من الشحص الذي سنزوره و حسب الوقت الذي يقوله. شكرا |
رد: الأوقات الي تفضلوها في الزيارات
اقتباس:
الحمد لله أنكم بخير، واحوالنا بخير أيضا ايه تتلف للواحد صح ;nosweat .. يعني كل الأوقات غير متاحة :strongsad: ، وانا نفضل التوقيت الي يكون بين العصر والمغرب وخاصة في فصل الصيف لما يكون المغرب يذن على الساعة 20 وفي فصل الشتاء ممكن يكون قبل العصر بشوي، يعني الواحد يكون توقيتو محدود وما يحرجش الشخص الي زارو ما تتغدى عندو وما تتعشى، او ممكن يعيطلو قبل يوم ما يروح عندو مثل ما تفضلتي ويقولو راني جايك في الغد ان شاء لله واش من التوقيت إلي يساعدك؟ هكذا نظن مليح :rolleyes: .. ماشي يجيك على 11 وانت بديت تدير الغداء على 10، والاكل يكفي لافراد العائلة وما يكفيش للضيف، وممكن الواحد يدير العدس ما يلقى واش يمد للضيف ويحشمن واذا عطالو يقولك راهم غداوني العدس اخخخ .. او ممكن يقولك تغديت ويعطلك أنت على الأكل نتاعك ;nosweat . شكرا ليك أخت نادجو على التعليق، لو يديروا كامل الضيوف بكلامك راح تتهنى الاسر من وجع الرأس والتخمام :wink: دمت بخير وعافية ووفقك الله |
رد: الأوقات الي تفضلوها في الزيارات
السلام عليككم و رحمة الله
ان شاء الله راككم بخير اممم بالنسبة ليا الوقت المفضل مع العصر في الشتاء ،، و بين العصر قريب المغرب في الصيف اما هذي نتاع نعيط قبل ما نروح حنا جينا عيب نديروها ؟؟ |
رد: الأوقات الي تفضلوها في الزيارات
اقتباس:
اه مليح التوقيت أخت مركي، حساب الشوفة رانا متفقين في التوقيت، انا والاخت نادجو وأنت ^^ انا تبانلي لازم نعيطوا اذا راهم في الدار او لا، اذا راهو عندهم شغل أو لا، ممكن راح يخرجوا عندهم القضية، ممكن عندهم مشكل في البيت،.. الخ من الأسباب . بارك الله فيك أخت مركي على المرور وعلى ابداء رأيك |
| الساعة الآن 12:51 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol