|
و نتوما واش تشوفو في هاد الموقف؟؟
السلام عليكم و رحمة الله و بركاته اليوم واقيلا نقلبوها شويا لهجة الغرب الهايلة (لي هيا لهجتي ايضا ، طبعا من خليط اللهجات تاعي) كيراكم؟ شاكم دايرين فيها؟ بون بما اننا في قسم يوميات الأعضاء نحكيلكم موقف صرا معايا ليوم و قولولي شاتخمو ولا شاتفهمو كان كنتو في بلاصتي ولا شفتوها قدامكم (مازال اوبسيو غرب)، برك باش نشوف رايكم، ركب معايا بابا لوحد لبلاصة ليوم كان عندنا شغل تماك المهم هادي ماتهمش، كي جينا حانحبطو ملبوس حكمتني وحد لمرة من يدي، فلول عمباتلي خافت نطيح ولا عفسة هكدا ولا باش اجوز شفت فيها قتلها صحا وخلاص، ودًرت بالزربة حتى قاتلي بنتي شحال راهي الساعة قتلها تكون طناش هاكداك و اومبعد قالولها ملور ، و هي غير باش ندور عندها مرة اخرى فقاتلي بلخف سنايني برا، و انا طبعا بغض النظر نسناها ولا لالا كان لازم نسنا بابا يهبط باش يجي معايا بويسك هبطت قبلو، و السيدة هادي هبطت مورايا مباشرة و سورمو فهمت بلي اني نسنا فيها، حكمتني مرة اخرى من يدي و قاتلي وين تسكني، بون قتلها بلاصة عموما ماحبيتش نعطيلها وين ديراكت قالتلي أه امالا راكي بنت حومتي قوليلي وين بالتحديد، مانكدبش عليكم بديت نبلعط فيها قتلها وحد الخالوطة و محال تعرف وين، بويسك واش قتلها كاين في ميات بلاصة في عين المكان أخخ قاتلي وين بصح سميلي بلاصة، قتلها قوليلي نتي وين تسكني فبَدلت السوجي ديراكت، هادي لهدرة بالسرعة الفائقة حتى لحق بابا و جاي مورانا، و هو جاي عندي و هي تجبد فيا زعما تبعدني عليه عمباتلها راجل و خلاص بصح مانحكيلكمش ماشي تجبدني برك قريب طيرتلي يدي أخخ المهم قاعدة غير تجبد ماحبتش تطلقني/تطلgني حتى قتلها هادا بابا، قاتلي اه باباك و دارت ليه قاتلو سمحلي موسيو و شافت فيه اومبعد طلقتني مباشرة و قاتلي واقيلا صحا ولا مانعرف عفسة هاكدا و قَلْعَت، واش تفهمو نتوما هادي السيدة نورمال زعما؟؟ موالفة يحبسوني في اي مكان سواء نساء ولا رجال و باينة واش يحوسو يعرفو، اغلبيتهم يعني و طبعا مايدوش قاع الرسمي مع محاولة عدم الكذب، المهم بانتلي هاكدا فلول و أحسنت الظن، بصح كي شفتها غي عرفت بلي السيد بابا تقلبت و عْطاتها وسوستني تع الصح أخخ مزيا ماكنتش وحدي كان راهي يا طيرتلي يدي يا تَسْحبني معاها ههه مع هي الله يبارك تبان قوية مانبانش قاع قدامها اخخ يا نعطيها طريحة صحيحة ماتنساهاش في حياتها هاو العود الي تحgرو يعميك واش حسايبلها ههه المهم يامات و احذفو هاد الموضوع الله يحفظكم هي تشوفو طاطا السيدة و تعرف توصل عندي أخخ اليكم الخط |
رد: و نتوما واش تشوفو في هاد الموقف؟؟
وعليكم السلام ورحمة الله عذرا عن التأخر في قبول الموضوع :( .. هذيك السيدة باينة نيتها شريرة ومزية جا والدك وأنقذ الموقف ههه لي العودة للرد باذن الله على الموضوع حسب الظروف الله يحفظك ويحميك اخت الكريمة :) |
رد: و نتوما واش تشوفو في هاد الموقف؟؟
اقتباس:
لا بأس كل واحد و ظروفه، كان الله في عون الجميع في انتظار العودة و ربما آراء بعض الاعضاء شكرا على قبول الموضوع و على الرد |
رد: و نتوما واش تشوفو في هاد الموقف؟؟
السلام عليكم ورحمة الله وبركاته رجعنا للموضوع ;nosweat .. منين نبدا امممم المهم حساب واش حكيتي على هذيك السيدة انا نفسرو من باب سوء النية هههه لانو رانا عايشين في واحد المجتمع ربي يلطف برك .. وخاصة أنهم ذرك رجعوا يتفننوا في الشر ويصوروه بأنو راهو مليح وهو في العكس لالا .. كما يجي واحد لابس كوستيم وهاز المحفظة يقولك راني طحت اومبان وحاب تعطيلي 600 دينار حق سيارة الاجرة باش نرجع للدار ههههه ايه حتى الطلبة وولات الناس تبدع فيها :eek: .. هذيك السيدة وخاصة لما انها قاعدة تسقسيك على مكان الاقامة نتاعك ووو ممكن تكون مريضة وممكن تكون مدايرة حاجة مش مليحة في بالها .. بصح راكي قافزة الله يبارك اخت نادجو كون جيت انا نمد التفاصيل كامل هههه الناس تغلبني بالمظهر نتاعها ههههه كما نتاع السيد هذاك نتاع الكوستيم صراتلي انا اخخخخخ المهم نتعلمو بشوي ويدير الواحد في حسابو بلي كما تكون خارج دارك الكذب يجوز ;nosweat عند بورطابل نعيط للدار ضروري؟ لالا ما عنديش ;no اخخخخ عندك الدراهم؟ ما عنديش ;no .... بالاك كاش عفايس اخرى ثاني ذرك ولينا حتى وان كان واحد يستفسر من باب حسن النية ما نديروش فيه الثقة لانو ولينا نشوفو بزاف الامور غريبة في المجتمع نتاعنا .. كما نتاع الدراهم تمد الطلاب ع اساس المساعدة وهو في نيتو يحكم يشعوذ بيهم :strongsad: .. ربي يحفظ الجميع ان شاء الله وشكرا |
رد: و نتوما واش تشوفو في هاد الموقف؟؟
اقتباس:
و عليكم السلام و رحمة الله و بركاته أهلا ايه صح راهم غير يتطورو أخخ الله يستر مريضة لالا بالاك حيلية، (ولا اذا مريضة نفسيا حاجة اخرى الله أعلم)، لالا التفاصيل مانمدوهاش بصح مينداك الواحد تتحشالو، تمشي بنيتك تعاشي مباصي في هاد الوقت، ههه تع البورطابل قليل لي ماعندوش بصح شغل دوكا ولينا نخافو، انا وحدة من الناس يقولولي تليفونك نعيط نقولهم ديراكت لالا اذا ماحشمتش، ادا عندك الكريدي لالا ، تمديلي نعيط نقولهم مكاش الرصيد و نخليهم، (صحاباتي كي كانو يقولولي نعيطو من عندك نقولهم ادا بالماسكي أخخ بصح باش نمدو للبراني دوكا محال سواء امرأة ولا راجل)، ايااااااا كيفاش يشعوذو فيهم مام فدراهم؟؟ كيفاش زعما تمد لواحد يطلب دراهم يشعوذ بيهم زعما على الشخص الي عطالو ولا شعوذة عموما، ايه و الله ولاو يحبسوني بزاف في الطريق و نحصل واش نقولهم ماتعرف واش نيتهم قاع، اللهم آمين شكرا على العودة إلى الموضوع أخ الكريم سيف الدين |
رد: و نتوما واش تشوفو في هاد الموقف؟؟
اقتباس:
ايه يشعوذوا الشخص الي عندو الدراهم ولا الي مد الدراهم هههه هاذي عرفتها كما كنت في الجامعة واحد النهاز رحت للمطعم كان رجعلي الصرف وهذاك الصرف عبارة عن قطعة ورقية من فئة 200 دج المهم هو شاف فيها وابتسم قال هاذي حْجَاب 7jebe هاك اديها برك اخخخ وهذاك الوقت كان صاحبي معايا انا ما فهمتش وما عرفتش واش يقصد هذاك السيد :strongsad: المهم سقسيت صاحبي واش معناتها الحجاب قالي سحر يستخدموه في الاوراق النقدية هههه ويا غنايا شفت الورقة هذيك لقيت مكتوب فيها كلام مش مفهوم سما الطلاسم اخخخخ رحت ديركت عند واحد المحل صرفتها ;nosweat .. حتى هذوك نتاع المهاجرين السود الي يطلبو في الشوارع .. الناس تخذر منهم ثاني قالك يخدموا دعاوي الشر الله يهدي ما خلق وربي يحفظنا ويصوننا ونتخلصو من هذيك الي اسمها (النية) ;nosweat وشكرا لك مرة اخرى |
رد: و نتوما واش تشوفو في هاد الموقف؟؟
وعليكم السلام ورحمة الله وبركاته
اعتقد نسيتو احتمال ، بالاك حابة تخطب لبنها ولا ، رانا 2017 كلش متوقع -_- ، بصح بطريقة اقريسيف شوي ههه المهم في بلاصتي مع رجل نريح معاه ونحكيو مليح ،ومعنديش مشكل مع البيانات تاعي ولا الاقامة ولا ،الاشكال هذو يفوت معاهم الوقت |
رد: و نتوما واش تشوفو في هاد الموقف؟؟
السلام عليكم و رحمة الله تعالى وبركاته كن تراحا نبدا نتفلسف ونقولك ايه موقف يوسوس شوية حتى لحقت للرد تاع كاكاشي غلبني الضحك ......ههههههههههه وبلاك يا نادجو كانت راحا تخطبك وكي شافت باباك حشمت ههههههه ...المهم ربي يستر ..تاع الصح ولينا نسبقو سوء النية لخاطر بزاف امور ماش مليحة تصرا ... دجل وخطف وسرقة وربي يعافينا ... |
رد: و نتوما واش تشوفو في هاد الموقف؟؟
اقتباس:
اللهم آمين مالقيت مانقول تشوكيت ربي يحفظنا كامل و يهدي هؤلاء الأشخاص شكرا على المرور مرة أخرى |
رد: و نتوما واش تشوفو في هاد الموقف؟؟
اقتباس:
الله يحفظنا شكرا لك على المرور و ابداء رأيك |
رد: و نتوما واش تشوفو في هاد الموقف؟؟
اقتباس:
اقتباس:
و عليكم السلام و رحمة الله و بركاته هادي تع حشمت ماشكيتش كانت قادرة تقولو نهدر معاها ولا حاجة ، و الله اعلم علابالك يحيروني الي يخطبو بهذي الطريقة كي يشوفوك لأول مرة يجو يقولولك حبيت نخطبك لوليدي ولا لخويا و على الأغلب من أجل الشكل الخارجي و احيانا كاين الي يقولك على الاخلاق وو و هوما حكمو على المظهر برك أحيانا، و هذا الانسان علاش ماشي هو يخير وحدو :shutup: اللهم آمين شكرا غيثاء ربي يحفظك |
رد: و نتوما واش تشوفو في هاد الموقف؟؟
اقتباس:
لكن في سطيف قليل لحوايج هذي لهذا لم اعتبره من الخوض في التفاصيل التي تحدث كثيرا :) ، نعتذر اختي الفاضلة العفو واهلا بك |
رد: و نتوما واش تشوفو في هاد الموقف؟؟
اقتباس:
اقتباس:
شكرا اخ الكريم على العودة الى الموضوع :) |
رد: و نتوما واش تشوفو في هاد الموقف؟؟
اقتباس:
اقتباس:
اقتباس:
العفو ، شكرا لك :) |
رد: و نتوما واش تشوفو في هاد الموقف؟؟
السلام عليكم و رحمة الله و بركاته
اهلا بيك ناجو ، جات عليك اللهجة تع ناس الغرب ، راكي حطة خمسة و خموس عليك ان شاء الله راكي بخير المهم انا قريت موضوعك و والله ما فهمت اسكو انا نية فايت الحد و لا حاجة اخرى انا بانتلي الموقف جد عادي ، بنظرتي المرة عجبتيها و بغات تخطبك لكاش واحد ، و كي شافت باباك حشمت و بطلت تهدر معاه فهربت كابسط حل تحت مقولة الي خلقها خلق غيرها :) و الله اعلم يمكن انتي حسيتيها انورمال من خلال النظرة نتاع عينيها ، هنا نقولك راني معاك بيسك كاين ناس هك ، يعاملوك بالطيب مي تالمو ينافقو تفيقلهم من عينيهم كنت هنا ، |
رد: و نتوما واش تشوفو في هاد الموقف؟؟
اقتباس:
العفو شكرا مرة أخرى :) |
رد: و نتوما واش تشوفو في هاد الموقف؟؟
اقتباس:
ايه كاينة بالاك كان شفتيها تبدلي رايك الله أعلم شكرا مركي على المرور، أسعدتني رؤتك في المنتدى دمتِ بخير |
| الساعة الآن 01:54 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol