الدراسة أو العمل في الخارج
السلام عليكم و رحمة الله و بركاته واشراكم عضوات،أعضاء بيت العرب الجزائري؟؟ واش راكم دايرين فيها ؟ راهو البرد عندكم ولا كيفاش الطقس؟؟ أمم حبيت نسقسيكم مع المنح الي راهي في الآونة الأخيرة ، هل جاتكم من قبل فرصة للذهاب الى الخارج ليس لعطلة أو لإقامة دائمة ، و انما للدراسة ولا العمل ؟؟ اذا لالا ، و لو كان جيكم فرصة باش تروحو تقراو ولا تخدموا في الخارج تروحو ولا ماتروحوش؟ و في الحالتين لماذا ؟؟ و كيفاش تقررون الذهاب أو لا؟ بالنسبة للذكور، لو جاءت هكذا فرصة للأخت أو الخطيبة أو الزوجة ، كيف ستكون ردة فعلكم ، هل ستقبلون و تخلوها تروح ؟ ولا واش ديروا ؟ بالنسبة للإناث، كيف سترين ذهاب أخاك أو خطيبك أو زوجك للدراسة أو العمل في الخارج؟ و ما رأيكم اناث و ذكور في الفتاة التي تذهب الى الخارج لواحد من هذه الأسباب ؟ من دون أن احدد الظروف الي الواحد يروح فيهم . اليكم الخط و شكرا |
رد: الدراسة أو العمل في الخارج
السلام عليكم و رحمة الله و بركاته وعليكم السلام ورحمة الله وبركاته واشراكم عضوات،أعضاء بيت العرب الجزائري؟؟ رانا بخير والحمد لله، ان شاء الله أحوالكم وأحوال العائلة بخير واش راكم دايرين فيها ؟ راهو البرد عندكم ولا كيفاش الطقس؟؟ الشطر الأول من السؤال يحتاج وقت وموضوع منفصل باش نجاوب عليه ;nosweat .. المهم الأمور راهي بخير والحمد لله البرد اممم شوي مش كما الايامات الي صب فيها الثلج أمم حبيت نسقسيكم مع المنح الي راهي في الآونة الأخيرة ، هل جاتكم من قبل فرصة للذهاب الى الخارج ليس لعطلة أو لإقامة دائمة ، و انما للدراسة ولا العمل ؟؟ المنح نتاع الدولة الجزائرية؟ انا جربت العام الماضي منحة نتاع تركيا ومش نتاع الجزائر وما نجحتش فيها، واما الفرص الأخرى نتاع تروح بجيبك جاتني أكثر من مرة، وأما العمل لالا ;nosweat اذا لالا ، و لو كان جيكم فرصة باش تروحو تقراو ولا تخدموا في الخارج تروحو ولا ماتروحوش؟ انا طبعا نقول ايه نروح :rolleyes:، ولكن البلد إلي ما عندك ولا قريب ممكن عم/ة أو خال/ة او جد او جدة ماكلاه تفكر فيه، لأنه الأمر جد جد صعب وخاصة اذا كان الامر راهو متعلق بدولة غربية. و في الحالتين لماذا ؟؟ و كيفاش تقررون الذهاب أو لا؟ لما تحب تروح تقرا في الخارج يعني أنت راك تحب تحسن المستوى نتاعك. لما تحب تروح من أجل العمل يعني أنت ممكن اما انك عاطل عن العمل ولا تبحث عن أجرة كبيرة، وممكن يعجبك المكان من حيث القوانين والنظام والنظافة وغيرها من الامور. كيفاه نقرر؟ اممم لما نكون في الحالتين السابقتين وخاصة الحلة المتعلقة بالعمل وأكثر من ذلك لازم نعرف أشخاص في البلد الي راح نروح ليه، ومش بالضرورة تعرف شخص واحد برك وانما أشخاص لأنه ممكن الشخص هذاك يبطل ويقولك ربي يسهل عليك تمحن ههه هاو تعشي حاصل، على أقل تزيد تشوف أشخاص آخرين، مثل ما حدث مع أحد الاصدقاء لما زار بلد غربي. وزايد ما ننساوش النقطة المهمة الي تخليك تتخذ القرار وهو الماآآآل .. بالنسبة للذكور، لو جاءت هكذا فرصة للأخت أو الخطيبة أو الزوجة ، كيف ستكون ردة فعلكم ، هل ستقبلون و تخلوها تروح ؟ ولا واش ديروا ؟ اخاااه نقبل :eek: ، شقيقتي اذا راح تروح لبلاصة فيها اقارب معليش، ونفس الشيء للخطيبة، ولكن الخال والعم بالنسبة للخطيبة معليش بصح الخالة والعمة لالا وذلك بسبب أزواجهن، ولكن انا خطيبتي ما نقبلش. وشقيقتي اذا تروح للبلاصة ما كانش فيها اقارب لالا مستحيل. أما الزوجة من المستحيلات السبع لازم رجلي رجلها، هاو الزوج يغار على زوجته ولا كيفاه ;blushing السبب نتاع الرفض مش متعلق بالثقة وانما الأمر صعب أن تذهب زوجتك بعيدا عنك، خطيبتك بالاك شوي، ولكن مع بلد أجنبي الواحد راح يخاف عليها بزاف المضايقات وكاشي مكروه الله يعافينا وغيرها. بالنسبة للإناث، كيف سترين ذهاب أخاك أو خطيبك أو زوجك للدراسة أو العمل في الخارج؟ يا درى واش راح يكون الجواب :rolleyes: و ما رأيكم اناث و ذكور في الفتاة التي تذهب الى الخارج لواحد من هذه الأسباب ؟ بالنسبة لي عادي ان كان لها اقارب في المكان الذي ستذهب إليه، ولكن مثل ما قلت الفوق استثني خطيبتي أو زوجتي، والشخص الآخر الي سمح خطيبتو او زوجته تذهب بمفردها فالله يسهل عليه وربي يقدر الخير ان شاء الله. من دون أن احدد الظروف الي الواحد يروح فيهم . اليكم الخط و شكرا شكرا ليك أخت نادجو على فتح هذه المساحة، الموضوع فعلا يشغل البال وطرحته على نفسي أكثر من مرة. الله يحفظك |
رد: الدراسة أو العمل في الخارج
اقتباس:
نعم صحيح و جدا شكرا لك على المرور و ابداء رأيك ، وفقكم الله و ربي يحفظ الجميع |
رد: الدراسة أو العمل في الخارج
اقتباس:
بلمناسبة لقد انتبهت لنقطة وهي: كيف لخطيبة أن تذهب وتعمل في بلد أجنبي مثلا وخطيبها في بلد آخر، والذي نعرفه عن العمل أنه قد يكون مؤقت ربما أشهر او بضع أعوام، وممكن دائم؟ وكيف سيتم الزواج؟ ونفس الشيء بالنسبة للزوجة أن تعمل خارج البلد بعيدا عن زوجها. بانتظار مداخلات باقي الاعضاء وشكرا |
رد: الدراسة أو العمل في الخارج
اقتباس:
موضوع رائع عزيزتي ...شكرا للطرح الطيب ......دمت بود |
رد: الدراسة أو العمل في الخارج
اقتباس:
اقتباس:
ان شاء الله ننتظرهم شكرا لك على العودة مرة اخرى |
رد: الدراسة أو العمل في الخارج
اقتباس:
عفو و لو و مرورك أروع حبيبتي ، ربي يحفظك و ان شاء الله تحقي كل احلامك و امانيك . |
رد: الدراسة أو العمل في الخارج
اقتباس:
اقتباس:
كاين ناس شفهم راحو بسبب الدراس او العمل وقلبوها تحواس ورجعو لديارهم خائبين ...صح الانسان يستغل وجودو فالبلد لكن ملازمش يضيع على هدفو الاساسي يعني بالمختصر ان صحت لي فرصة ...ساحاول الاخذ بكل الاسباب و اغتنامها ههههههه لاو فعلا الدراسة هناك امر اخر تماما اقتباس:
اقتباس:
اقتباس:
و امين يا رب نحقق جميعا كل اهدافنا |
رد: الدراسة أو العمل في الخارج
اقتباس:
ان شاء الله يا رب شكرا غيثاء لعودتك الى الموضوع . مشاركتك دائما تضيف للموضوع الكثير . و يوجد جزء من ردك (الي مانقولش وشنوهو) عزفت به على الوتر الحساس :tears:. شكرا لك |
رد: الدراسة أو العمل في الخارج
اقتباس:
ايييييه واش كتبت :eek:، راني غلطت في الكتبة وبدلا ما نكتب نحلم كتبت نلم ;blushing، واقيلا راح تسرى صح ان شاء الله ;nosweat سمحولنا على هذا الخطأ غير المقصود، ولكن يا سبحان الله حرت وفرحت كما غلطت لأنو الفكرة لم تكن متوقعة :rolleyes: . الله يوفق الجميع ان شاء الله، وشكرا جزيلا لك على تقبلك مرورنا من هنا ان شاء الله تتحق طموحات جميع الأعضاء في هذا المنتدى وفي خارجه، ونسمع أخبار جميلة ومفرحة عنهم/ن. ان الله على كل شيء قدير :wink: |
رد: الدراسة أو العمل في الخارج
اقتباس:
ههه يعني في الحقيقة استغربت قليلا و لكن لم يخطر ببالي انه خطأ مطبعي ;nosweat ، سبحان الله حرف واحد غير كل المعنى ، معليش ربما لم لا ، وفقك الله. أكيد نتقبل مرور الجميع و لو . بخصوص طموحات الأعضاء و مع هذا الموضوع و الردود ;nosweat، أمم أردت ان أقول شيء بخصوص هذا الأمر :shutup: ، و لكن لا بأس لا داعي لذلك باش مكاش الي يزعف ;nosweat ، كما ان اتخاذ القرارات أصلا صعب، اللهم آمين ، المهم ربي يوفق الجميع و يقدر الي فيها الخير لكل شخص . (برك حبيت نضيف امر نسيتو، بخصوص الأخت أو الخطيبة الي تروح عند الخال أو العم راهم كاينين حتى اولاد الأخوال و لعموم ;nosweat ، و لو انه من حق الشخص يرفض و الاحتياط واجب ، و لكن كاين أشخاص من أشخاص ، حسب الناس الي الواحد يروح ليهم) . سبحانه عز و جل أكيد . شكرا مرة اخرى على العودة الى الموضوع ، بارك الله فيك. |
رد: الدراسة أو العمل في الخارج
السلام عليكم و رحمة الله تعالى و بركاته صباح الانوار عزيزتي ...اممممم راكي تخلينا بزاف علامات استفهام فردودك و هذا راه ينمي عندنا الفضول خاصة عندي انا ههههه راكي مطالبة بالجواب لا خليها في قلبك ههههه اقتباس:
اقتباس:
ها جاوبينا وهنينا ههههههه..اهم نعودو لموضوع الحوار اقتباس:
اقتباس:
اقتباس:
شكرا لاستضافتنا ... لي عودة ان شاء الله ..دمت بود |
رد: الدراسة أو العمل في الخارج
اقتباس:
بشأن الدراسة نظن اذا حطينا عوائق أمام الفتاة في اكمال الدراسة نتاعها في الخارج وهو ممكن يكون بعض من تلك العوائق يمكن ان تنطبق على الشاب، سما هذا ولا واحد راح يحقق الطموح والهدف نتاعو الي كان يتمناه ;sadwalk وخاصة اذا توفرت الشروط الرئيسية مثلا عندو او عندها الدعم المادي او منحة ويقدر يقرا بيها، او هذاك الانسان عندو ارادة وقادر على شقاه وتحمل المسؤوالية نتاعو ! ممكن تكون فيه العنصرية وممكن تكون فيه امور معرقلة ولكن نظن أنو الواحد لازم يصبر عام او عامين حتى يكمل الدراسة نتاعو، لانو ولا حاجة هكذ تجيك ساهلة. ولا واش قالت أخت نادجو؟ وشكرا ^^ |
رد: الدراسة أو العمل في الخارج
اقتباس:
و لو أهلا بيكم الدار داركم شكرا لك غيثاء |
رد: الدراسة أو العمل في الخارج
اقتباس:
|
رد: الدراسة أو العمل في الخارج
اقتباس:
ان شاء الله برك نكون الكلام الي قلته منظم شوي ;blushing لانو لما نزيد نكمل راح ندخل في استثناءات وحالات خاصة وهكذا. بالمناسبة نسيت نحكي على روحي ;nosweat .. انا تحطيت في الموقف هذا وهو انه في أخر العام الماضي زعما كنت راح نروح لفرنسا وشفنا الاقامة وكلش بالرغم من أنو عندي أقارب كثر في ذاك البلد، والمنطقة الي كنت راح نروح ندرس فيها كان عندي فيها عمي وعمتي، كنت فضلت في البداية نبقى عند عمي ولكن لمبعد جا اقتراح قال من الاحسن اقامة وحدك باش تكون متهني لانه مثلا لما تكون عند عمك زوجته راح تدير الخمار وتدخل في الاحراجات وغيرها من الامور، ولكن في الاخير ظهر هذاك المعهد عنصري وقال ما نقبلوش الجزائريين :strongsad: المهم ان شاء الله خيرا، وسمولنا راني عارف بلي طولت ;nosweat وش حال من مرة نقول ما نزيدش نطول في الكتبة لكن ننسى روحي :tears: شكرا |
رد: الدراسة أو العمل في الخارج
[/QUOTE] صح عندك الحق لأنو مرة في أول رد ممكن او الرد الثاني المهم قلت مثلا الامر صعب والغربة والعنصرية تُجاه المسلمين وغيرهم من الأمور، وقلت أيضا هذا عم وهذا الخال وآخرين لالا وغيرها ومبعد قلت لازم واحد يصبر، تحس وكأنو الافكار مش متناسقة ;blushing. ايه واش نديرو ، كاين مواقف وين الواحد يحير فيها بزاف ، و ربي يقدر الي فيها الخير. ممكن السبب أنه في أول الرد كان لازم ندخل في الاستثناءات وممكن غض الطرف وقال معليش او انني اقتنعت برأي في الردود هنا وعجبني وقال هذا هو الاصح، مش العيب لما تعترف بالخطأ نتاعك وانما العيب لما تتمسك بالخطأ نتاعك وانت في قرارة نفسك تعرف بلي خطأ ولكن أمام الناس تقول عكس واش الي كاين في قلبك ! اقتنعت بكلامك، خلاص عجبتني الفكرة نتاعك وانا كنت غالط، عادي جدا رانا نتعلمو من البعض. أممم ايه صحيح. آه من هذا الموضوع ، يعني الواحد راهي تالفتلو تع الصح :strongsad:. بشأن الرد نتاعي الاخير اي قبل الرد هاذا كنت نقصد في تلك الحالات الاخت او الشقيقة وماكنتش نقصد الخطيبة أو الزوجة، لانو اذا تحدثنا عن الخطيبة ممكن ندخل في موضوع آخر ههه وهو أنه عندي قناعة وممكن نتراجع عنها مستقبلا الله أعلم، القناعة هي أنه في العام الي نخطب فيه هو نفسه الي نتزوج فيه ان شاء الله ههه ماشي قال عامين او ثلاثة وو. ايه كل واحد و قناعاتو أصلا الخطوبة من المفروض ماتطولش حتى توصل اعوام، بصح كل شخص و ظروفه. الزوجة اعتقد الزوج اذا وقف أمام طموحها العلمي راهو قاسي من وجهة نظري وخاصة انه اذا كان قادر يروح معاها للخارج ويحقق طموحها واذا عندها تلك الرغبة احتمال كبير زوجها هو ايضا عندو تلك الرغبة وهو ايضا يقرا من جهة اخرى، هذا اذا ما دخلناش في الحديث عن حالات قال هذا كيفاه يقرا ويخدم وكيفاه يجيب الدراهم وخاصة تكاليف الدراسة في الخارج غالية + معيشة والسكن وووو، نظن راح نطول في الرد اذا توسعت في هذا الجانب ;blushing. لا اعلم اذا راني نقدر نوصل افكاري او لا ، الموضوع شويا متوسع ، في الحقيقة الموضوع ماهوش على الزوج او الزوجة بقدر الحالات الأخرى ، لأنه و بالرغم من غلاء المعيشة و رغم احتمال انو احد الأطراف مايحبش ، و لكن يبقى ممكن يروحو مع بعض و تتحل المشكلة بالنسبة للطرفين ، لكن اذا الفرصة أتت قبل الزواج ، أو أنو الواحد لم يكن متزوجا بعد يكون الأمر أصعب مش من ناحية الرفض ، فقادر المعنيين بالقبول او الرفض كامل يقبلو، و لكن ماذا عن الشخص نفسه و الظروف التي سيذهب فيها و بالمقابل طموحاته و أهدافه ووو. بشأن الاخت او الشقيقة اذا حابة تروح تقرا بمنحة او دعم مادي من الاهل سواء كاين الاقارب (عم/ة او خال/ة) او ماكانش مش راح نقول لالا ولكن مع هذه الحالات: 1/ اذا عرفت ان هذاك الانسان عندو ارادة ويقدر يتحمل المسؤولية نتاعو، يعني ما يخافش وقادر يتأقلم مع الوضع مثلا تدير صديقات مسلمات وخاطية المشاكل وملتزمة وغيرها، ولكن اذا كانت مش من النوع الي يقدر يتحمل المسؤولية نتاعو نظن من الاحسن على الاقل يكون كاين اقارب في هذاك البلد. نعم 2/ الاقارب: مثلا زوج العمة او زوج الخالة اذا كانو ناس طيبين مثل زوج عمتك - رحمه الله - يعني ما يقولو عليك والو وراح يفرحوا بيك وغيرها من الأمور (بشأن زوج عمتك رحمه الله اتعلمين انني أصبحت اضرب به المثل عندما تطرقت بالحديث عنه في أحد الايام لما كان يوزع عليكم الحلويات (النقود في العيد واقيلا قلت ولا بالاك قلت حتى الحلويات) وانتم أطفال صغار :tears:، لقد بقي فعله يتحدث عنه بالرغم من أنه بسيط ولكن أكيد أنه فعل أمورا أخرى أكبر من ذلك )، شكرا لك :)،ان شاء الله يكون من أهل الجنة هو و كل موتى المسلمين. ان شاء الله برك ما كنت خرجت عن الموضوع بشأن النقطة الاخيرة. لا عادي. الحالات إلي نقول لالا: 1/ الاقارب الي مش راح ترتاح لما تكون معاهم وخاصة زوج العمة والخالة ومثل ما قلت من قبل ممكن راح يرتاحو وتولي الخالة او العمة تصاب بالاحراج،.. 2/ اذا كانت فتاة مش مستعدة ومش قادرة على المسؤولية وخاصة من الناحية النفسية مع المضايقات والغربة وغيرها.[/QUOTE] ان شاء الله برك نكون الكلام الي قلته منظم شوي ;blushing لانو لما نزيد نكمل راح ندخل في استثناءات وحالات خاصة وهكذا. بالمناسبة نسيت نحكي على روحي ;nosweat .. انا تحطيت في الموقف هذا وهو انه في أخر العام الماضي زعما كنت راح نروح لفرنسا وشفنا الاقامة وكلش بالرغم من أنو عندي أقارب كثر في ذاك البلد، والمنطقة الي كنت راح نروح ندرس فيها كان عندي فيها عمي وعمتي، كنت فضلت في البداية نبقى عند عمي ولكن لمبعد جا اقتراح قال من الاحسن اقامة وحدك باش تكون متهني لانه مثلا لما تكون عند عمك زوجته راح تدير الخمار وتدخل في الاحراجات وغيرها من الامور، ولكن في الاخير ظهر هذاك المعهد عنصري وقال ما نقبلوش الجزائريين :strongsad: المهم ان شاء الله خيرا، وسمحولنا راني عارف بلي طولت ;nosweat وش حال من مرة نقول ما نزيدش نطول في الكتبة لكن ننسى روحي :tears: ههه و علاش هذا الموضوع يخلي الواحد مايطولش :(، لالا عادي. شكرا[/QUOTE] شكــــــــرا |
رد: الدراسة أو العمل في الخارج
اقتباس:
اقتباس:
دمتم بخير |
رد: الدراسة أو العمل في الخارج
سلام عليكم مجددا مساء الانوار كيف احوالكم اقتباس:
تاع الصح موضوع وحوار روووعة استفدت منكم الكثير .. دمتم بود |
رد: الدراسة أو العمل في الخارج
هذي المرة معليش نبداو بردك و لن احترم تسلسل الردود . اقتباس:
رانا كامل نستفادو من بعضانا ، و استفدنا كثيرا منك أيضا ، بارك الله فيك :wink: |
رد: الدراسة أو العمل في الخارج
اقتباس:
و نعتذر منكم تعبانكم في هذا الموضوع ;blushing ، و دمتم بألف خير . |
رد: الدراسة أو العمل في الخارج
اقتباس:
شكرا لك غاليتي على الطرح الجميل و المميز دمم بود |
رد: الدراسة أو العمل في الخارج
اقتباس:
يعني مالقيت واش نقولك ، ردك عجبني ممزوج بالطرافة ;nosweat نورتي الموضوع عنقاء ، شكرا لك على مشاركتنا في هذا الموضوع ، ربي يحفظك . |
الساعة الآن 10:05 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Privacy
Policy by kashkol